ಹುಬ್ಬಳ್ಳಿ: ಧಾರವಾಡ, ಹಾವೇರಿ, ಗದಗ ಮತ್ತು ಉತ್ತರ ಕನ್ನಡ ಜಿಲ್ಲೆಗಳಲ್ಲಿ ಸೋಮವಾರ ಮಳೆಯಾದ ವರದಿಯಾಗಿದೆ.
ಧಾರವಾಡ ಮತ್ತು ಹುಬ್ಬಳ್ಳಿ ನಗರದಲ್ಲಿ ಸುಮಾರು 3 ತಾಸು ಮಳೆಯಾಗಿದೆ. ಹಾವೇರಿ ನಗರದಲ್ಲಿ ಸುಮಾರು 1 ತಾಸು ರಭಸದ ಮಳೆಯಾಗಿದ್ದು, ಕೆಲವೆಡೆ ಮನೆಗಳಲ್ಲಿ ನೀರು ನುಗ್ಗಿದೆ. ಗುತ್ತಲ ರಸ್ತೆಯಲ್ಲಿರುವ ರೇಲ್ವೆ ಕೆಳಸೇತುವೆ  ನೀರಲ್ಲಿ ಮುಳುಗಿದ್ದು, ಬಳ್ಳಾರಿ ರಸ್ತೆ ಸಂಪರ್ಕ ಕಡಿತಗೊಂಡಿದೆ. ಜಿಲ್ಲೆಯ ಉಳಿದೆಡೆ ಮಳೆಯಾಗಿದೆ. ಗದಗ ಜಿಲ್ಲೆಯಲ್ಲಿ ತುಂತುರು ಮಳೆಯಾಗಿದೆ.