ಹೈದರಾಬಾದ್: ಉದ್ದೀಪನ ಮದ್ದು ಸೇವಿಸಿ ಸಿಕ್ಕಿಬಿದ್ದು ಆಜೀವ ನಿಷೇಧ ಎದುರಿಸುತ್ತಿರುವ ವೇಟ್‌ಲಿಫ್ಟರ್ ಶೈಲಜಾ ಪೂಜಾರಿ ತಾನು ಮುಗ್ಧ ತನಗೇನು ತಿಳಿಯದು ಎಂದು ಪ್ರತಿಪಾದಿಸಿದ್ದಾರಲ್ಲದೆ ‘ಬಿ’ ಟೆಸ್ಟ್‌ಗೆ ಸಿದ್ದರಿರುವುದಾಗಿ ಹೇಳಿದ್ದಾರೆ.

75 ಕೆ.ಜಿ. ವಿಭಾಗದಲ್ಲಿ ಭಾರತ ತಂಡವನ್ನು ಪ್ರತಿನಿಧಿಸುತ್ತಿದ್ದ ಶೈಲಜಾ ಪೂಜಾರಿ ರಾಷ್ಟ್ರೀಯ ಉದ್ದೀಪನ ಮದ್ದು ತಡೆ ಘಟಕ  ನಡೆಸಿದ ಪರೀಕ್ಷೆಯಲ್ಲಿ ಅನಾಬಲಿಕ್ ಸ್ಟಿರಾಯ್ಡಿ ತೆಗೆದುಕೊಂಡಿದ್ದು ದೃಢಪಟ್ಟಿದ್ದರಿಂದ  ನಿಷೇಧ ಎದುರಿಸಬೇಕಾಯಿತು.

‘ನಾನೇನು ತಪ್ಪು ಮಾಡಿಲ್ಲ’, ಆದರೆ ಅದು ಹೇಗೆ  ಸ್ಟೆರಾಯ್ಡೆ ತೆಗೆದುಕೊಂಡಿದ್ದು ದೃಢಪಟ್ಟಿತ್ತು ಎನ್ನುವುದು ತಿಳಿದಿಲ್ಲ, ಈ ವಿಷಯಕ್ಕೆ ಸಂಬಂಧಿಸಿದಂತೆ ಕೇಂದ್ರದ ಕ್ರೀಡಾ ಸಚಿವ ಎಂ.ಎಸ್. ಗಿಲ್ ಹಾಗೂ ಭಾರತ ಒಲಿಂಪಿಕ್ ಸಂಸ್ಥೆಯ ಅಧ್ಯಕ್ಷ ಸುರೇಶ್ ಕಲ್ಮಾಡಿ ಅವರನ್ನು ಭೇಟಿ ಮಾಡಿ ಅವರೊಂದಿಗೆ ಚರ್ಚೆ ನಡೆಸುವುದಾಗಿ ಹೇಳಿದರು.