ಬೆಂಗಳೂರು: ಹೊಸದಾಗಿ ಮಾರುಕಟ್ಟೆಗೆ ಬಿಡುಗಡೆ ಆಗಿರುವ ಬಜಾಜ್‌ನ ಹೊಸ 100 ಸಿಸಿ ‘ಡಿಸ್ಕವರ್ ಡಿಟಿಎಸ್ ಎಸ್‌ಐ’ ಬೈಕ್, ಕರ್ನಾಟಕ ಮತ್ತು ಗೋವಾದಲ್ಲಿ ಅಲ್ಪಾವಧಿಯಲ್ಲಿ ದಾಖಲೆ ಸಂಖ್ಯೆಯಲ್ಲಿ ಮಾರಾಟ ಆಗಿದೆ.

21 ದಿನಗಳಲ್ಲಿ 2500 ಬೈಕ್‌ಗಳು  ಮಾರಾಟ ಆಗಿರುವುದು ಇದರ ಜನಪ್ರಿಯತೆಗೆ ಸಾಕ್ಷಿ.

ಪ್ರತಿ ಲೀಟರ್‌ಗೆ 80 ಕಿ.ಮೀ ದೂರ ಕ್ರಮಿಸುವ ಈ ಬೈಕ್, ಈ ಶ್ರೇಣಿಯ ಇತರ ದ್ವಿಚಕ್ರ ವಾಹನಗಳಿಗೆ ಹೋಲಿಸಿದರೆ ಗರಿಷ್ಠ ಇಂಧನ ಕಾರ್ಯಕ್ಷಮತೆ ಹೊಂದಿದೆ. ಇತರ ವೈಶಿಷ್ಟ್ಯಗಳೂ ಇದರ ಜನಪ್ರಿಯತೆಗೆ ಕಾರಣವಾಗಿವೆ. ಈ ಬೈಕ್‌ನ ಮಾಲೀಕರು ಅದರ ಕಾರ್ಯಕ್ಷಮತೆಗೆ ಸಂಪೂರ್ಣ ತೃಪ್ತರಾಗಿದ್ದಾರೆ ಎಂದು ಬಜಾಜ್ ಆಟೊದ ಪ್ರಾದೇಶಿಕ ಮ್ಯಾನೇಜರ್  ಸಿ. ಎಸ್. ಕರುಣಾಕರನ್ ಅಭಿಪ್ರಾಯಪಟ್ಟಿದ್ದಾರೆ.

ಐದು ಬಣ್ಣಗಳಲ್ಲಿ ಲಭ್ಯ ಇರುವ ಈ ಬೈಕ್‌ನ ಬೆಲೆ  ಬೆಂಗಳೂರಿನಲ್ಲಿ (ಎಕ್ಸ್‌ಷೋರೂಂ) ರೂ 40,037 ಇದೆ.