ಉದಾಹರಣೆಗೆ, ಬುಧವಾರದ ಪಂದ್ಯದಲ್ಲಿ ಆಸ್ಟ್ರೇಲಿಯಾ ತಂಡ ಪಾಕಿಸ್ತಾನದ ಕೈಯಲ್ಲಿ 20 ರನ್‌ಗಳ ಸೋಲು ಅನುಭವಿಸಿದರೆ, ಭಾರತವು ವಿಂಡೀಸ್ ತಂಡವನ್ನು 85 ರನ್‌ಗಳಿಂದ ಮಣಿಸಬೇಕು. ಆಸೀಸ್‌ಗೆ 104 ರನ್‌ಗಳ ಸೋಲು ಎದುರಾದರೆ, ಭಾರತಕ್ಕೆ ವೆಸ್ಟ್ ಇಂಡೀಸ್ ವಿರುದ್ಧ ಒಂದು ರನ್ನಿನ ಗೆಲುವು ಪಡೆದರೆ ಸಾಕು.

ಆಸ್ಟ್ರೇಲಿಯಾ ಮೊದಲು ಬ್ಯಾಟಿಂಗ್ ಮಾಡಿದರೆ ದೋನಿ ಬಳಗದ ಹಾದಿ ಮತ್ತಷ್ಟು ಕಠಿಣವಾಗಲಿದೆ. ಆಸೀಸ್ ಮತ್ತು ವಿಂಡೀಸ್ ತಂಡಗಳು ಮೊದಲು ಬ್ಯಾಟ್ ಮಾಡಿ 250 ರನ್ ಪೇರಿಸಿದರೆ, ಭಾರತ ಮತ್ತು ಪಾಕಿಸ್ತಾನ ತಂಡಗಳು 40 ಓವರ್‌ಗಳ ಒಳಗೆ ಈ ಮೊತ್ತವನ್ನು ಚೇಸ್ ಮಾಡಬೇಕು.

ಪಾಕಿಸ್ತಾನ ತಂಡ ಆಸ್ಟ್ರೇಲಿಯಾ ವಿರುದ್ಧ ಗೆಲುವು ಪಡೆದರೆ ಮಾತ್ರ ಈ ಎಲ್ಲಾ ಲೆಕ್ಕಾಚಾರಗಳು ಗಣನೆಗೆ ಬರುತ್ತದೆ. ಇಲ್ಲದಿದ್ದರೆ, ಭಾರತ ಟೂರ್ನಿಯಿಂದ ‘ಔಟ್’.

ಬುಧವಾರ ಭಾರತದ ಒಂದು ಪ್ಲಸ್ ಪಾಯಿಂಟ್ ಏನೆಂದರೆ, ಆಸೀಸ್- ಪಾಕ್ ಹಣಾಹಣಿ ಮಧ್ಯಾಹ್ನ ಒಂದು ಗಂಟೆಗೆ ಆರಂಭವಾಗಲಿದ್ದರೆ, ಭಾರತ- ವಿಂಡೀಸ್ ಪಂದ್ಯಕ್ಕೆ ಸಂಜೆ ಆರು ಗಂಟೆಗೆ ಚಾಲನೆ ಲಭಿಸಲಿದೆ. ಭಾರತದ ಪಂದ್ಯದ ಆರಂಭದ ವೇಳೆಗೆ ಪಾಕ್- ಆಸೀಸ್ ನಡುವಿನ ಪಂದ್ಯದ ಒಂದು ಇನಿಂಗ್ಸ್ ಕೊನೆಗೊಂಡಿರುತ್ತದೆ. ಇದರಿಂದ ಭಾರತಕ್ಕೆ ಸೂಕ್ತ ಲೆಕ್ಕಾಚಾರದೊಂದಿಗೆ ಕಣಕ್ಕಿಳಿಯಲು ಸಾಧ್ಯ.