ಸೆಂಚೂರಿಯನ್: ಈಗಾಗಲೇ ಸೆಮಿಫೈನಲ್ ಪ್ರವೇಶಿಸಿರುವ ಪಾಕಿಸ್ತಾನಕ್ಕೆ ಈ ಪಂದ್ಯ ಮಹತ್ವದ್ದಲ್ಲ. ಈ ಪಂದ್ಯದಲ್ಲಿ ಗೆಲುವು ಪಡೆದರೆ ಆಸೀಸ್ ಸೆಮಿಫೈನಲ್ ಪ್ರವೇಶಿಸಲಿದೆ. ಆಗ ಭಾರತ ಮತ್ತು ವೆಸ್ಟ್ ಇಂಡೀಸ್ ತಂಡಗಳ ನಡುವಿನ ‘ಎ’ ಗುಂಪಿನ ಮತ್ತೊಂದು ಪಂದ್ಯಕ್ಕೆ ಯಾವುದೇ ಮಹತ್ವವಿರುವುದಿಲ್ಲ.

ಆಸೀಸ್ ಸೋಲು ಅನುಭವಿಸಿ, ಭಾರತ ಗೆದ್ದರೆ, ಈ ಎರಡು ತಂಡಗಳಲ್ಲಿ ಉತ್ತಮ ರನ್‌ರೇಟ್ ಹೊಂದಿರುವವರು ನಾಲ್ಕರಘಟ್ಟ ಪ್ರವೇಶಿಸಲಿದ್ದಾರೆ.

ಟೂರ್ನಿಯಲ್ಲಿ ಇದುವರೆಗೆ ಅವಕಾಶ ಲಭಿಸದ ಆಟಗಾರರು ಬುಧವಾರ ಕಣಕ್ಕಿಳಿಯಲಿದ್ದಾರೆ ಎಂದು ಪಾಕಿಸ್ತಾನ ತಂಡದ ನಾಯಕ ಯೂನಿಸ್ ಖಾನ್ ಹೇಳಿದ್ದಾರೆ. ಇದು ಆಸೀಸ್ ಪಾಲಿಗೆ ಸಂತಸ ಉಂಟುಮಾಡಿದರೆ, ಭಾರತದ ಆತಂಕಕ್ಕೆ ಕಾರಣವಾಗಿದೆ.

ತಂಡಗಳು:
ಪಾಕಿಸ್ತಾನ: ಶಾಹೀದ್ ಅಫ್ರಿದಿ (ನಾಯಕ), ಫವಾದ್ ಅಲಂ, ಇಫ್ತೀಕರ್ ಅಂಜುಮ್, ಇಮ್ರಾನ್ ನಜೀರ್, ಕಮ್ರಾನ್ ಅಕ್ಮಲ್, ಮಿಸ್ಬಾ ಉಲ್ ಹಕ್, ಮೊಹಮ್ಮದ್ ಅಮೇರ್, ಮೊಹಮ್ಮದ್ ಆಸಿಫ್, ಮೊಹಮ್ಮದ್ ಯೂಸುಫ್, ನವೇದ್ ಉಲ್ ಹಸನ್, ಸಯೀದ್ ಅಜ್ಮಲ್, ಶೋಯಮ್ ಮಲಿಕ್, ಉಮರ್ ಗುಲ್, ಉಮರ್ ಅಕ್ಮಲ್ ಹಾಗೂ ಯೂನಿಸ್ ಖಾನ್.

ಆಸ್ಟ್ರೇಲಿಯಾ: ರಿಕಿ ಪಾಂಟಿಂಗ್ (ನಾಯಕ), ಮೈಕಲ್ ಕ್ಲಾರ್ಕ್, ಕಾಲಮ್ ಫರ್ಗ್ಯುಸನ್, ನಥಾನ್ ಹೌರಿಟ್ಜ್, ಬೆನ್ ಹಿಲ್ಫೆನಾಸ್, ಜೇಮ್ಸ್ ಹೋಪ್ಸ್, ಮೈಕಲ್ ಹಸ್ಸಿ, ಮಿಚೆಲ್ ಜಾನ್ಸನ್, ಬ್ರೆಟ್ ಲೀ, ಟಿಮ್ ಪೈನ್, ಪೀಟರ್ ಸಿಡ್ಲ್, ಆ್ಯಡಮ್ ವೋಗ್ಸ್, ಶೇನ್ ವ್ಯಾಟ್ಸನ್, ಕ್ಯಾಮರೂನ್ ವೈಟ್, ಬ್ರಾಡ್ ಹಡ್ಡಿನ್.
ಪಂದ್ಯದ ಆರಂಭ (ಭಾರತೀಯ ಕಾಲಮಾನ): ಮಧ್ಯಾಹ್ನ ಒಂದು ಗಂಟೆಗೆ.

ನೇರ ಪ್ರಸಾರ: ಸ್ಟಾರ್ ಕ್ರಿಕೆಟ್ (ಇಎಸ್‌ಪಿಎನ್-ಸ್ಟಾರ್ ಸ್ಪೋರ್ಟ್ಸ್)