ಮುಂಬೈ(ಪಿಟಿಐ): ತನ್ನ ಎರಡು ಅಂಗಸಂಸ್ಥೆಗಳನ್ನು ಮಾತೃಸಂಸ್ಥೆಯಲ್ಲಿ ವಿಲೀನ ಗೊಳಿಸಲು ಐ.ಟಿ ಕಂಪೆನಿ ‘ವಿಪ್ರೊ’ಗೆ ಮುಂಬೈ ಷೇರು ವಿನಿಮಯ ಕೇಂದ್ರ(ಬಿ ಎಸ್ಇ) ಮತ್ತು ರಾಷ್ಟ್ರೀಯ ಷೇರು ವಿನಿಮಯ ಕೇಂದ್ರ(ಎನ್ಎಸ್ಇ) ಅನುಮತಿ ನೀಡಿವೆ. ‘ವಿಪ್ರೊ ಎನರ್ಜಿ ಐಟಿ ಸರ್ವೀಸಸ್ ಇಂಡಿಯಾ’ ಮತ್ತು ‘ವಿಪ್ರೊ ಟೆಕ್ನಾಲಜಿ ಸರ್ವೀಸಸ್’ ಈಗ ‘ವಿಪ್ರೊ’ದಲ್ಲಿ ಒಂದಾಗಲಿವೆ. ಇದಕ್ಕೆ ಕಂಪೆನಿಯ ನಿರ್ದೇಶಕ ಮಂಡಳಿ ಕಳೆದ ಏಪ್ರಿಲ್ನಲ್ಲೇ ಅನುಮತಿ ನೀಡಿತ್ತು.
‘ಬಿಎಸ್ಇ’ ಮತ್ತು ‘ಎನ್ಎಸ್ಇ’ ಯಿಂದ ಏ.10ರಂದು ನಿರಾಕ್ಷೇಪಣಾ ಪತ್ರ ಲಭಿಸಿದೆ. ಇದರ ವಾಯಿದೆ ಆರು ತಿಂಗಳು ಎಂದು ಕಂಪೆನಿ ಪ್ರಕಟಣೆ ತಿಳಿಸಿದೆ.