ಮುಂಬೈ (ಪಿಟಿಐ): ಹಿರಿಯ ಐಪಿಎಸ್ ಅಧಿಕಾರಿ ಹಾಗೂ ಮುಂಬೈ ನಾಗರಿಕ ಹಕ್ಕುಗಳ ರಕ್ಷಣಾ ವಿಭಾಗದ ಡಿಐಜಿ ಸುನೀಲ್ ಪಾರಸ್ಕರ್ ವಿರುದ್ಧ ರೂಪದರ್ಶಿಯೊಬ್ಬಳು ಅತ್ಯಾಚಾರ ದೂರು ದಾಖಲಿಸಿದ್ದಾಳೆ.
ಪಾರಸ್ಕರ್ ತನ್ನ ಮೇಲೆ ಅನೇಕ ಬಾರಿ ಅತ್ಯಾಚಾರ ನಡೆಸಿದ್ದಾರೆ ಎಂದು ರೂಪದರ್ಶಿ ಆರೋಪಿಸಿದ್ದಾಳೆ. ಆಕೆ ನೀಡಿದ ದೂರಿನ ಮೇಲೆ ಅಧಿಕಾರಿ ವಿರುದ್ಧ ಮಲ್ವಾನಿ ಠಾಣೆಯಲ್ಲಿ ಎಫ್ಐಆರ್ ದಾಖಲಿಸಿಕೊಳ್ಳಲಾಗಿದೆ.
ಪಾರಸ್ಕರ್ ಮುಂಬೈ ಉತ್ತರ ವಲಯದ ಹೆಚ್ಚುವರಿ ಕಮೀಷನರ್ ಆಗಿದ್ದ ವೇಳೆ ನೆರವು ಕೇಳಲು ಹೋದ ತನ್ನನ್ನು ಹೋಟೆಲ್ಗೆ ಕರೆದೊಯ್ದು ಅತ್ಯಾಚಾರವೆಸಗಿದ್ದಾರೆ ಎಂದು ರೂಪದರ್ಶಿ ಆರೋಪಿಸಿದ್ದಾರೆ. ತನ್ನ ಆರೋಪವನ್ನು ಸಮರ್ಥಿಸುವ ಪುರಾವೆಗಳನ್ನು ಆಕೆ ಒದಗಿಸಿದ್ದಾಳೆ ಎನ್ನಲಾಗಿದೆ.