ನವದೆಹಲಿ (ಪಿಟಿಐ): ಉಡುಪಿ ಬಳಿ ಲ್ಯಾಂಕೊ ಇನ್ಫ್ರಾಟೆಕ್ ಕಂಪೆನಿ ಸ್ಥಾಪಿಸಿದ್ದ 1,200 ಮೆಗಾವಾಟ್ ಶಾಖೋತ್ಪನ್ನ ವಿದ್ಯುತ್ ಘಟಕ ಅದಾನಿ ಪವರ್ಸ್ ಸಂಸ್ಥೆಯ ತೆಕ್ಕೆಗೆ ಸೇರಿದೆ.
ಲ್ಯಾಂಕೊ ಇನ್ಫ್ರಾಟೆಕ್ ಕಂಪೆನಿಯಿಂದ ಆರು ಸಾವಿರ ಕೋಟಿ ರೂಪಾಯಿಗೆ ಅದಾನಿ ಪವರ್ಸ್ ಈ ವಿದ್ಯುತ್ ಘಟಕವನ್ನು ಖರೀದಿಸಿದ್ದು, ಈ ಒಪ್ಪಂದಕ್ಕೆ ಭಾರತೀಯ ಸ್ಮರ್ಧಾತ್ಮಕ ಆಯೋಗ ಒಪ್ಪಿಗೆ ನೀಡಿದೆ. ಉಡುಪಿ ಶಾಖೋತ್ಪನ್ನ ವಿದ್ಯುತ್ ಘಟಕದ ವ್ಯವಹಾರಕ್ಕೆ ಸಂಬಂಧಿಸಿದಂತೆ ಯಾವುದೇ ಆಕ್ಷೇಪಣೆ ಇಲ್ಲ ಎಂದು ಆಯೋಗ ಸ್ಪಷ್ಟಪಡಿಸಿದೆ.
ಇದೇ ಆಗಸ್ಟ್ನಲ್ಲಿ ಅದಾನಿ ಪವರ್್ಸ್ ಮತ್ತು ಲ್ಯಾಂಕೊ ಇನ್ಫ್ರಾಟೆಕ್ ನಡುವೆ ಈ ಕುರಿತು ಒಪ್ಪಂದವಾಗಿತ್ತು. ಈ ಒಪ್ಪಂದ ದೇಶದ ವಿದ್ಯುತ್ ಕ್ಷೇತ್ರದಲ್ಲಿಯೇ ಅತ್ಯಂತ ದೊಡ್ಡ ಮೊತ್ತದ ವಹಿವಾಟು ಎಂದು ದಾಖಲಾಗಿದೆ.
ಅದಾನಿ ಪವರ್್ಸ್ ಕಂಪೆನಿ, ಉಡುಪಿ ಪವರ್ ಕಾರ್ಪೊರೇಷನ್ ಲಿಮಿಟೆಡ್ನಲ್ಲಿ ಲ್ಯಾಂಕೊ ಇನ್ಫ್ರಾಟೆಕ್ ಹೂಡಿಕೆ ಮಾಡಿರುವ ಷೇರುಗಳ ಜತೆ, ಇನ್ನಿತರ ಚಿಕ್ಕಪುಟ್ಟ ಸಂಸ್ಥೆಗಳು ಹೂಡಿರುವ ಷೇರುಗಳನ್ನು ಸಹ ಖರೀದಿಸಲಿದೆ.