ಬೀಜಿಂಗ್ (ಪಿಟಿಐ): ಭಾರತಕ್ಕೆ ಪರಮಾಣು ಸಾಮಗ್ರಿ ಪೂರೈಕೆದಾರರ ಗುಂಪಿನ (ಎನ್ಎಸ್ಜಿ) ಸದಸ್ಯತ್ವ ನೀಡುವುದಕ್ಕೆ ಸಂಬಂಧಿಸಿದಂತೆ ಅಮೆರಿಕ ವಾಸ್ತವ ಅಂಶಗಳನ್ನು ಕಡೆಗಣಿಸಿದೆ ಎಂದು ಚೀನಾ ಆರೋಪಿಸಿದೆ.
ಚೀನಾ ನೇತೃತ್ವದಲ್ಲಿ ಹಲವು ರಾಷ್ಟ್ರಗಳು ವಿರೋಧ ವ್ಯಕ್ತಪಡಿಸಿದ್ದರಿಂದ ಭಾರತಕ್ಕೆ ಎನ್ಎಸ್ಜಿ ಸದಸ್ಯತ್ವ ದೊರೆಯಲಿಲ್ಲ ಎಂದು ಅಮೆರಿಕದ ರಾಜಕೀಯ ವ್ಯವಹಾರಗಳ ಅಧೀನ ಕಾರ್ಯದರ್ಶಿ ಟೊಮ್ ಶನ್ನೋನ್ ಬುಧವಾರ ಹೇಳಿಕೆ ನೀಡಿದ್ದರಿಂದ ಚೀನಾ ಈ ಪ್ರತಿಕ್ರಿಯೆ ನೀಡಿದೆ.