ತಾಯಿಯಂತೆ ಮಗಳು, ನೂಲಿನಂತೆ ಸೀರೆ ಎಂಬುದು ಗಾದೆ ಮಾತು. ಅಮ್ಮನ ಪ್ರತಿಯೊಂದು ಅಂಶವನ್ನು ಅನುಸರಿಸುವ ಮಗಳಿಗೆ ಅವಳ ಫ್ಯಾಷನ್ ಮಂತ್ರವೂ ಬಳುವಳಿಯಾಗಿ ಬಂದಿರುತ್ತದೆ. ಇದಕ್ಕೆ ನಟಿ ದೀಪಿಕಾ ಪಡುಕೋಣೆ ಕೂಡ ಹೊರತಲ್ಲ. ಬಾಲಿವುಡ್ ಗಲ್ಲಿಯಲ್ಲಿ ತನ್ನ ಸ್ಟೈಲ್, ನಟನೆಯ ಮೂಲಕ ಹೆಸರುವಾಸಿಯಾದ ನಟಿ ದೀಪಿಕಾ ಪಡುಕೋಣೆಗೆ ಅವರ ತಾಯಿಯೇ ಸ್ಟೈಲ್ ಐಕಾನ್.
‘ಸ್ಟೈಲ್ ವಿಷಯಕ್ಕೆ ಬಂದರೆ ನನ್ನ ತಾಯಿಯೇ ನನಗೆ ಸ್ಫೂರ್ತಿ. ಅವರ ಸ್ಟೈಲ್ ನನ್ನ ಮೇಲೆ ಹೆಚ್ಚು ಪ್ರಭಾವ ಬೀರಿದೆ. ಸರಳವಾಗಿರಬೇಕು, ಕ್ಲಾಸಿಕ್ ಆಗಿ ಕಾಣಿಸಬೇಕು ಎಂಬ ಯೋಚನೆ ನನ್ನ ತಾಯಿಯಿಂದಲೇ ಬಳುವಳಿಯಾಗಿ ಬಂದಿದ್ದು. ಅವರು ಯಾವತ್ತೂ ಆಭರಣ ಹೇರಿಕೊಂಡಿದ್ದನ್ನು ನಾನು ನೋಡಿಲ್ಲ. ಸಿಂಪಲ್ ಆಗಿ ಚೆನ್ನಾಗಿ ಕಾಣಿಸುತ್ತಿದ್ದರು ನನ್ನ ಅಮ್ಮ’ ಎಂದು ತಾಯಿಯ ಬಗ್ಗೆ ಹೊಗಳಿಕೆ ಮಾತನಾಡಿದ್ದಾರೆ.