ಭುವನೇಶ್ವರ (ಐಎಎನ್‌ಎಸ್): ಭೂಮಿಯಿಂದ ಆಕಾಶಕ್ಕೆ ಚಿಮ್ಮುವ ಮಧ್ಯಂತರಗಾಮಿ ಆಕಾಶ್ ಕ್ರಿಪಣಿಯ ಪರೀಕ್ಷಾರ್ಥ ಪ್ರಯೋಗ ಗುರುವಾರ ಇಲ್ಲಿಯ ರಕ್ಷಣಾ ನೆಲೆಯಲ್ಲಿ ಯಶಸ್ವಿಯಾಗಿ ನಡೆದಿದೆ.
ಸಂಪೂರ್ಣವಾಗಿ ಸ್ವದೇಶಿ ನಿರ್ಮಿತ 27 ಕಿ.ಮೀ. ದೂರ ಸಾಗಬಲ್ಲ (15 ಕಿ.ಮೀ. ಖಚಿತ ಗುರಿ) ಈ ಕ್ಷಿಪಣಿಯನ್ನು ಬಾಲಾಸೋರ್‌ ಜಿಲ್ಲೆಯ ಚಂಡೀಪುರ ಪರೀಕ್ಷಾ ವಲಯದಲ್ಲಿ ಪರೀಕ್ಷಾರ್ಥ ಪ್ರಯೋಗ ನಡೆಸಲಾಯಿತು.
ಹಲವು ಬಾರಿ ಪರೀಕ್ಷಾರ್ಥ ಪ್ರಯೋಗ ಮಾಡಲಾಗಿದ್ದು, ಈಗ ಭಾರ ತೀಯ ವಾಯುಪಡೆ ಪರೀಕ್ಷೆ ನಡೆಸಿದೆ ಎಂದು ಪರೀಕ್ಷಾ ವಲಯದ ನಿರ್ದೇಶಕ ಎಂ.ವಿ.ಕೆ.ವಿ. ಪ್ರಸಾದ್‌ ತಿಳಿಸಿದ್ದಾರೆ.
