ಬರ್ವಾಲಾ (ಹರಿಯಾಣ) (ಪಿಟಿಐ): ಬಂಧಿತ ‘ದೇವಮಾನವ’ ರಾಮ್‌ಪಾಲ್‌ ಅವರ ಸತ್‌ಲೋಕ್‌ ಆಶ್ರಮದ ಲಾಕರ್‌ಗಳಲ್ಲಿ ನಗದು, ಶಸ್ತ್ರಾಸ್ತ್ರ, ಗುಂಡು ನಿರೋಧಕ ಜಾಕೆಟ್‌ಗಳು, ಕಮಾಂಡೊ ಉಡುಪುಗಳು ಪತ್ತೆಯಾಗಿವೆ ಎಂದು ಪೊಲೀಸರು ಹೇಳಿದ್ದಾರೆ.
ರಾಮ್‌ಪಾಲ್‌ ಅವರನ್ನು ಆಶ್ರಮಕ್ಕೆ ಕರೆದೊಯ್ದ ಪೊಲೀಸರು ಆಶ್ರಮದಲ್ಲಿನ ಕಪಾಟುಗಳು ಮತ್ತು ಲಾಕರ್‌ಗಳ ಬಗ್ಗೆ ಅವರಿಂದ ಮಾಹಿತಿ ಪಡೆದು, ಸಾಕ್ಷ್ಯಗಳನ್ನು ಸಂಗ್ರಹಿಸಿದರು.
ಸಾವಿರಾರು ಲಾಠಿಗಳು, ಸುಮಾರು 100 ಹೆಲ್ಮೆಟ್‌ಗಳು, ಕಮಾಂಡೊಗಳ 20 ಉಡುಪುಗಳು, 80 ಕಪ್ಪು ಶರ್ಟ್‌ಗಳು, ಆ್ಯಸಿಡ್‌ ಬಾಟಲಿಗಳು ಮತ್ತಿತರ ವಸ್ತುಗಳನ್ನು ವಶಪಡಿಸಿಕೊಂಡಿದ್ದಾರೆ.
