ಫಿರೋಜ್‌ ಪುರ್‌ (ಪಿಟಿಐ): ಇಲ್ಲಿನ ಇಂಡೋ–ಪಾಕ್ ಗಡಿಯಲ್ಲಿ ಅಕ್ರಮವಾಗಿ ಮಾದಕವಸ್ತು ಕಳ್ಳಸಾಗಣೆ ಮಾಡುತ್ತಿದ್ದ ನಾಲ್ವರನ್ನು ಬಿಎಸ್‌ಎಫ್‌ ಯೋಧರು ಭಾನುವಾರ ಬೆಳಗ್ಗೆ ಹತ್ಯೆ ಮಾಡಿದ್ದಾರೆ.
ಹತ್ತು ಕೆಜಿ ತೂಕದ ಹೆರಾಯಿನ್‌ ಹೊಂದಿದ್ದ ಕಳ್ಳಸಾಗಣೆದಾರರು ಭಾರತದ ಗಡಿಯೊಳಗೆ ನುಸುಳಲು ಯತ್ನಿಸುತ್ತಿರುವಾಗ ಭಾರತೀಯ ಗಡಿ ಭದ್ರತಾ ಪಡೆ ಯೋಧರು ಗುಂಡು ಹಾರಿಸಿ ಕಳ್ಳಸಾಗಣೆದಾರರನ್ನು ಹತ್ಯೆ ಮಾಡಿದ್ದಾರೆ ಎಂದು ಬಿಎಸ್‌ಎಫ್‌ ಕಚೇರಿ ಮೂಲಗಳು ಖಚಿತಪಡಿಸಿವೆ.
ನಾಲ್ವರು ಕಳ್ಳಸಾಗಣೆದಾರರಲ್ಲಿ ಇಬ್ಬರು ಪಾಕಿಸ್ತಾನದವರು ಮತ್ತು ಇಬ್ಬರು ಭಾರತೀಯರು ಎಂದು ಪೊಲೀಸರು ತಿಳಿಸಿದ್ದಾರೆ.
