ಗಾಜಾ(ಎಪಿ): ಇಸ್ರೇಲಿ ಪಡೆಗಳು ಗಾಜಾಪಟ್ಟಿ ಮೇಲೆ ನಡೆಸಿದ ವಾಯುದಾಳಿಗೆ ಇಬ್ಬರು ಪ್ಯಾಲೆಸ್ಟೀನಿಯರು ಮೃತರಾಗಿದ್ದಾರೆ. ಈಜಿಪ್ಟ್ ನೇತೃತ್ವದಲ್ಲಿನ ಕದನ ವಿರಾಮ ಮಾತುಕತೆ ಮುರಿದು ಬಿದ್ದ ಮೂರು ದಿನಗಳ ಬಳಿಕವೂ ದಾಳಿ ಮುಂದುವರೆದಿದೆ.
ಒಂದು ತಿಂಗಳಿಗಿಂತಲೂ ಹೆಚ್ಚು ಕಾಲದಿಂದ ನಡೆಯುತ್ತಿರುವ ಕದನದಲ್ಲಿ 2000ಕ್ಕಿಂತಲೂ ಹೆಚ್ಚು ಜನರು ಪ್ರಾಣ ಕಳೆದುಕೊಂಡಿದ್ದಾರೆ.
ಶುಕ್ರವಾರ ಮುಂಜಾನೆ ಗಾಜಾಪಟ್ಟಿ ಮೇಲೆ ಇಸ್ರೇಲ್ 20 ರಾಕೆಟ್‌ಗಳನ್ನು ಉಡಾಯಿಸಿದಕ್ಕೆ ಪ್ರತಿಯಾಗಿ ಗಾಜಾಪಟ್ಟಿಯ ಹಮಾಸ್‌ ಉಗ್ರರು ಎರಡು ರಾಕೆಟ್ ಮೂಲಕ ದಾಳಿ ನಡೆಸಿದ್ದಾರೆ ಎಂದು ಇಸ್ರೇಲ್ ಸೇನೆ ತಿಳಿಸಿದೆ.
