ಡೊನೆಟ್ಸ್ಕ್‌/ರೋಜೈಪ್ನ್‌(ಎಎಫ್‌ಪಿ/ ಎಪಿ): ಉಕ್ರೇನ್‌ನಲ್ಲಿ ರಷ್ಯಾ ಪರ ಉಗ್ರರ ವಿರುದ್ಧದ ದಾಳಿಯನ್ನು ಒಂದು ದಿನದ ಮಟ್ಟಿಗೆ ಸ್ಥಗಿತಗೊಳಿಸಲು ಉಕ್ರೇನ್ ಸರ್ಕಾರ ನಿರ್ಧರಿಸಿದೆ. ಮಲೇಷ್ಯಾ ಏರ್‌ಲೈನ್ಸ್‌ನ ಎಂಎಚ್‌17 ವಿಮಾನ ಪತನದ ಬಗ್ಗೆ ಅಂತರರಾಷ್ಟ್ರೀಯ ತನಿಖೆಗೆ ಈ ಹೋರಾಟ ಅಡ್ಡಿಯಾಗುತ್ತಿದೆ ಎಂದು ದಾಳಿ ಸ್ಥಗಿತಕ್ಕೆ ನಿರ್ಧರಿಸಲಾಗಿದೆ.
ಪತನ ಸ್ಥಳಕ್ಕೆ ತಜ್ಞರ ತಂಡ: ಈ ನಿರ್ಧಾರದಿಂದಾಗಿ ಮಲೇಷ್ಯಾ ಏರ್‌ಲೈನ್ಸ್‌ನ ಎಮ್‌ಎಚ್‌17 ವಿಮಾನ ಪತನಗೊಂಡ ಸ್ಥಳಕ್ಕೆ ಇದೇ ಮೊದಲ ಬಾರಿಗೆ ಅಂತರರಾಷ್ಟ್ರೀಯ ತನಿಖಾ ತಂಡ ಗುರುವಾರ ತಲುಪಿದೆ. ನೆದರ್‌ಲ್ಯಾಂಡ್‌ ಮತ್ತು ಆಸ್ಟ್ರೇಲಿಯಾದ ಪೊಲೀಸ್‌ ಮತ್ತು ವಿಧಿ ವಿಜ್ಞಾನ ತಜ್ಞರು ಸ್ಥಳಕ್ಕೆ ತಲುಪಿದ್ದು ಅಲ್ಲಿ ಉಳಿದಿರುವ ಪ್ರಯಾಣಿಕರ ಮೃತದೇಹಗಳು ಮತ್ತು ಅವರ ವಸ್ತುಗಳನ್ನು ಸಂಗ್ರಹಿಸಲು ಒತ್ತು ನೀಡಲಿದ್ದಾರೆ. ವಿಮಾನ ಪತನಗೊಂಡು ಎರಡು ವಾರ ಕಳೆದಿದೆ. ಹಾಗಾಗಿ ರೈಲಿನಲ್ಲಿ ಸಾಗಣೆಯಾಗದೆ ಉಳಿದಿರುವ ಮೃತದೇಹಗಳ ಸ್ಥಿತಿ ಹೇಗಿದೆ ಎಂದು ತಿಳಿದು ಬಂದಿಲ್ಲ.
