ಪಾಕ್ ಸೇನಾ ಮುಖ್ಯಸ್ಥ ಜನರಲ್‌ ರಹೀಲ್‌ ಷರೀಫ್‌, ಐಎಸ್‌ಐ ಮುಖ್ಯಸ್ಥ ಲೆಫ್ಟಿನೆಂಟ್‌ ಜನರಲ್‌ ರಿಜ್ವಾನ್‌ ಅಖ್ತರ್‌ ಅವರೊಂದಿಗೆ ಬುಧವಾರ ಆಫ್ಘಾನಿಸ್ತಾನಕ್ಕೆ ದಿಢೀರ್‌ ಭೇಟಿ ನೀಡಿ ಅಲ್ಲಿನ ಅಧ್ಯಕ್ಷ ಅಶ್ರಫ್‌ ಘನಿ ಮತ್ತು ಅಂತರರಾಷ್ಟ್ರೀಯ ಭದ್ರತಾ ಸಹಕಾರ ದಳ (ಐಎಸ್‌ಎಎಫ್‌) ಕಮಾಂಡರ್‌ ಜನರಲ್‌ ಜಾನ್‌ ಕ್ಯಾಂಪ್‌ಬೆಲ್ ಜತೆ ಮಾತುಕತೆ ನಡೆಸಿದರು.
‘ನಮ್ಮ ನೆಲದಲ್ಲಿ ಪಾಕ್ ವಿರುದ್ಧ ಚಟುವಟಿಕೆಗಳನ್ನು ನಡೆಸಲು ಬಿಡುವುದಿಲ್ಲ. ಅಂತಹ ಲಕ್ಷಣಗಳು ಕಂಡುಬಂದರೆ, ದಮನ ಮಾಡುವುದಾಗಿ ಆಫ್ಘನ್ ಭರವಸೆ ನೀಡಿದೆ’ ಎಂದು ಸೇನಾ ಹೇಳಿಕೆ ತಿಳಿಸಿದೆ.
