ಬೆಂಗಳೂರು: ವಿಶ್ವದ ಅತ್ಯಂತ ವೇಗದ ಓಟಗಾರ, 100 ಹಾಗೂ 200 ಮೀ. ಓಟದಲ್ಲಿ ವಿಶ್ವದಾಖಲೆಯ ಒಡೆಯ, ಅಥ್ಲೆಟಿಕ್ ವಿಶ್ವದ ‘ಸೂಪರ್ ಸ್ಟಾರ್’ ಉಸೇನ್ ಬೋಲ್ಟ್ ಮಂಗಳವಾರ ಉದ್ಯಾನನಗರಿಯಲ್ಲಿ ಮಿಂಚಿನ ಸಂಚಲನ ಉಂಟುಮಾಡಲಿದ್ದಾರೆ.
ವಿಶ್ವದ ವಿವಿಧ ನಗರಗಳ ಕ್ರೀಡಾಂಗಣದಲ್ಲಿರುವ ಸಿಂಥೆಟಿಕ್ ಟ್ರ್ಯಾಕ್ನಲ್ಲಿ ತನ್ನ ಓಟದ ಮೂಲಕ ಮಿಂಚು ಹರಿಸಿರುವ ಬೋಲ್ಟ್ ಬೆಂಗಳೂರಿನಲ್ಲಿ ಮಾತ್ರ ಹೊಸ ‘ವೇಷ’ ತೊಡಲಿದ್ದಾರೆ. ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆಯಲಿರುವ ಪ್ರದರ್ಶನ ಕ್ರಿಕೆಟ್ ಪಂದ್ಯದಲ್ಲಿ ಅವರು ಆಡಲಿದ್ದಾರೆ. ಬೋಲ್ಟ್ ಮುನ್ನಡೆಸಲಿರುವ ತಂಡವು ಯುವರಾಜ್ ಸಿಂಗ್ ಅವರ ತಂಡದ ಎದುರು ಆಡಲಿದೆ. ನಾಲ್ಕು ಓವರ್ಗಳ ಈ ಪಂದ್ಯದಲ್ಲಿ ಬೋಲ್ಟ್ ಅಭಿಮಾನಿಗಳನ್ನು ರಂಜಿಸುವುದು ಖಚಿತ.
ಆದರೆ ಈ ಪಂದ್ಯವನ್ನು ಎಷ್ಟು ಮಂದಿ ವೀಕ್ಷಿಸಲಿದ್ದಾರೆ ಎಂಬುದನ್ನು ಸಂಘಟಕರು ಬಹಿರಂಗಪಡಿಸಿಲ್ಲ. ಬೋಲ್ಟ್ ಅವರ ಪ್ರಾಯೋಜಕತ್ವ ವಹಿಸಿರುವ ಪೂಮ ಕಂಪೆನಿ ಈ ಪಂದ್ಯ ಆಯೋಜಿಸಿದೆ. ಹರಭಜನ್ ಸಿಂಗ್ ಮತ್ತು ಜಹೀರ್ ಖಾನ್ ಅವರೂ ಪಂದ್ಯದಲ್ಲಿ ಆಡಲಿದ್ದಾರೆ.
ಬೋಲ್ಟ್ ಈ ಹಿಂದೆ ಕೂಡಾ ಕ್ರಿಕೆಟ್ ಮೈದಾನದಲ್ಲಿ ತಮ್ಮ ಸಾಮರ್ಥ್ಯ ತೋರಿದ್ದರು. ವೆಸ್ಟ್ ಇಂಡೀಸ್ನಲ್ಲಿ ನಡೆದ ಟ್ವೆಂಟಿ–20 ಪಂದ್ಯವೊಂದರಲ್ಲಿ ಆಡಿದ್ದರು. ಮಾತ್ರವಲ್ಲ.