ನವದೆಹಲಿ (ಪಿಟಿಐ): ಎಚ್‌ಐವಿ ಸೋಂಕುಪೀಡಿತ ಜೀವಕೋಶದೊಳಗಿನ ರಾಸಾಯನಿಕ ವರ್ತನೆಗಳನ್ನು ಆ ಕ್ಷಣದಲ್ಲೇ ಅಳೆಯಬಲ್ಲ ಹೊಸ ಜೈವಿಕ ಸಂವೇದಕವನ್ನು (ಬಯೊಸೆನ್ಸರ್‌) ಅಭಿವೃದ್ಧಿಪಡಿಸಲಾಗಿದೆ. ಜತೆಗೆ ಏಡ್ಸ್ ವೈರಸ್‌ ಹಾಗೂ ಕ್ಷಯ ವೈರಸ್‌ಗಳು ಜೀವಕೋಶದೊಳಗೆ ಪರಸ್ಪರ ಹೇಗೆ ವರ್ತಿಸುತ್ತವೆ ಎಂಬುದರ ಬಗೆಗೂ ಈ ಸಂವೇದಕ ತಂತ್ರಜ್ಞಾನ ಹೊಸ ಬೆಳಕು ಚೆಲ್ಲುತ್ತದೆ ಎನ್ನಲಾಗಿದೆ.
ಬೆಂಗಳೂರಿನ ಭಾರತೀಯ ವಿಜ್ಞಾನ ಸಂಸ್ಥೆ (ಐಐಎಸ್‌ಸಿ), ನವದೆಹಲಿಯ ತಳಿ ತಂತ್ರಜ್ಞಾನ ಹಾಗೂ ಜೈವಿಕ ತಂತ್ರಜ್ಞಾನ ಸಂಸ್ಥೆ (ಐಸಿಜಿಇಬಿ) ಮತ್ತು ಜಾಮಿಯಾ ಮಿಲಿಯಾ ಇಸ್ಲಾಮಿಯಾ ವಿ.ವಿ. ಸಂಶೋಧಕರು ಇದನ್ನು ಅಭಿವೃದ್ಧಿಪಡಿಸಿದ್ದಾರೆ.
ಈ ಸೆನ್ಸರ್‌ನ್ನು ದೇಹದೊಳಕ್ಕೆ ಸೇರಿಸುವ ಅಗತ್ಯವಿಲ್ಲ. ಇದು ಹೊರಗಿನಿಂದಲೇ ಎಚ್‌ಐವಿ ಸೋಂಕಿತ ಜೀವಕೋಶದೊಳಗಿನ ವರ್ತನೆ ಬಗ್ಗೆ ಮಾಹಿತಿ ನೀಡುತ್ತದೆ. ಅಂತಿಮವಾಗಿ ಇದು ಏಡ್ಸ್ ನಿಯಂತ್ರಣದಲ್ಲಿ ನೆರವಾಗಬಹುದು ಎಂದು ಗುಬ್ಬಿ ಲ್ಯಾಬ್‌್ಸ ಪತ್ರಿಕಾ ಹೇಳಿಕೆಯಲ್ಲಿ ತಿಳಿಸಿದೆ.
