ಬರುವ ಅಕ್ಟೋಬರ್ 9ರಂದು ತೆರೆ ಕಾಣಲಿರುವ ಆ್ಯಕ್ಷನ್ ಡ್ರಾಮಾ ‘ಜಜ್ಬಾ’ ಚಿತ್ರದ ಮೂಲಕ ನಟಿ ಐಶ್ವರ್ಯಾ ರೈ ಬಚ್ಚನ್ ಮತ್ತೆ ಬೆಳ್ಳಿ ಪರದೆ ಮೇಲೆ ಕಾಣಿಸಿಕೊಳ್ಳಲಿದ್ದಾರೆ.
ಐದು ವರ್ಷಗಳ ಬಿಡುವಿನ ಬಳಿಕ ಮತ್ತೆ ಬಣ್ಣದ ಪರದೆ ಮೇಲೆ ಕಾಣಿಸಿಕೊಳ್ಳಲಿರುವ ಬಚ್ಚನ್ ಕುಟುಂಬದ ಸೊಸೆಯನ್ನು ನೋಡಲು ಅವರ ಅಭಿಮಾನಿಗಳು ಕಾತರರಾಗಿದ್ದಾರೆ.
ಸದ್ಯ ‘ಜಜ್ಬಾ’ ಚಿತ್ರದ ಚಿತ್ರೀಕರಣ ಮುಂಬೈನಲ್ಲಿ ನಡೆಯುತ್ತಿದೆ. ಇರ್ಫಾನ್ ಖಾನ್, ಶಬಾನಾ ಅಜ್ಮಿ, ಅಭಿಮನ್ಯು ಸಿಂಗ್, ಅತುಲ್ ಕುಲಕರ್ಣಿ, ಚಂದನ್ ರಾಯ್ ಸನ್ಯಾಲ್ ಮತ್ತು ಅನುಪಮ್ ಖೇರ್ ಚಿತ್ರದ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಳ್ಳುವರು.
‘‘ಬರುವ ಅಕ್ಟೋಬರ್ 9ರಂದು ರಿಲೀಸ್ ಆಗಲಿರುವ ‘ಜಜ್ಬಾ’ ಚಿತ್ರಕ್ಕಾಗಿ ಕೌಂಟ್ಡೌನ್ ಆರಂಭವಾಗಿದೆ’ ಎಂದು ಚಿತ್ರದ ನಿರ್ದೇಶಕ ಸಂಜಯ್ ಗುಪ್ತಾ ಟ್ವೀಟ್ ಮಾಡಿದ್ದಾರೆ. ‘ಜಜ್ಬಾ’ ಚಿತ್ರದ ಕಥೆಯನ್ನು ಕಮಲೇಶ್ ಪಾಂಡೆ ಮತ್ತು ರಾಬಿನ್ ಭಟ್ಟ ಬರೆದಿದ್ದಾರೆ.