ನ್ಯೂಯಾರ್ಕ್ (ಪಿಟಿಐ): ಭಾರತವು ಧಾರ್ಮಿಕ ಸಹಿಷ್ಣುತೆಗೆ ಉತ್ತೇಜನ ನೀಡಬೇಕು ಎಂದು ಅಮೆರಿಕ ಅಧ್ಯಕ್ಷ ಬರಾಕ್ ಒಬಾಮ ಹೇಳಿರುವುದನ್ನು ಸಿಖ್ ಹಕ್ಕುಗಳ ಗುಂಪು ಸ್ವಾಗತಿಸಿದೆ.
ಒಬಾಮ ಅವರು ಈಚೆಗೆ ನವದೆಹಲಿಗೆ ಭೇಟಿ ನೀಡಿದ್ದ ಸಂದರ್ಭದಲ್ಲಿ ಮಾಡಿದ ಭಾಷಣದಲ್ಲಿ ಭಾರತವು ಮೊದಲಿನಿಂದಲೂ ಧಾರ್ಮಿಕ ವಿಷಯಗಳಲ್ಲಿ ನಂಬಿಕೆ ಹೊಂದಿದೆ. ಅದಕ್ಕೆ ಭಂಗ ತರುವ ರೀತಿಯಲ್ಲಿ ನಡೆದುಕೊಳ್ಳಬಾರದು. ಎಲ್ಲ ಧರ್ಮಗಳನ್ನು ಸಮಾನವಾಗಿ ಕಾಣುವುದು ಸೂಕ್ತ ಎಂದು ಉಲ್ಲೇಖಿಸಿದ್ದರು.
ಇದನ್ನು ಸ್ವಾಗತಿಸಿರುವ ಅಮೆರಿಕದ ‘ಸಿಖ್ ಫಾರ್ ಜಸ್ಟಿಸ್’ ವೇದಿಕೆ ಕಾನೂನು ಸಲಹೆಗಾರ ಗುರುಪತ್ವಂತ್ ಸಿಂಗ್ ಪನ್ನುನ್, ಭಾರತ ಧಾರ್ಮಿಕ ಸ್ವಾತಂತ್ರ್ಯ ನೀಡಿರುವುದನ್ನು ಸ್ವಾಗತಿಸುವುದಾಗಿ ಹೇಳಿರುವುದು ಅಮೆರಿಕ ಸಿಖ್ ಸಮುದಾಯದ ಧ್ವನಿಯಾಗಿದೆ ಎಂದಿದ್ದಾರೆ.