ಔಷಧ ನಿಯಂತ್ರಣಕ್ಕೆ ಸಂಬಂಧಿಸಿದ ವಾ.ವಾ. ಪತ್ರಕ್ಕೆ ನನ್ನ ಪ್ರತಿಕ್ರಿಯೆ (ಸೆ. 1). ಔಷಧ ನಿಯಂತ್ರಣ ಮಾಡಬೇಕಾದರೆ ಮೊದಲು ಯಾವ ಪದ್ಧತಿಯಲ್ಲಿ ವೈದ್ಯಕೀಯ ಪದವಿ ಪಡೆದಿರುತ್ತಾರೋ ಅದೇ ಪದ್ಧತಿಯಲ್ಲಿ ರೋಗಿಗಳಿಗೆ ಔಷಧವನ್ನು ಬರೆದುಕೊಡಬೇಕು. ಅದು ಬಿಟ್ಟು ಬಿ.ಎ.ಎಂ.ಎಸ್‌. ಮತ್ತು ಬಿ.ಎಚ್‌.ಎಂ.ಎಸ್‌. ಪದವಿ ಪಡೆದ ವೈದ್ಯರು ಅಲೋಪಥಿ ಔಷಧ ಗಳನ್ನು ರೋಗಿಗಳಿಗೆ ಬರೆದುಕೊಟ್ಟರೆ ಇಂತಹ ವೈದ್ಯರ ವಿರುದ್ಧ ಕ್ರಿಮಿನಲ್‌ ಮೊಕದ್ದಮೆ ದಾಖಲಿಸಬೇಕು. ಅದೇ ರೀತಿ ಇವರು ಬರೆದುಕೊಟ್ಟ ಔಷಧಗಳನ್ನು ಔಷಧ ಮಾರಾಟಗಾರರು ರೋಗಿಗಳಿಗೆ ಮಾರಿದರೆ, ಅವರ ಮೇಲೂ ಕ್ರಿಮಿನಲ್‌ ಮೊಕದ್ದಮೆ ದಾಖಲಿಸಬೇಕು. ಆಗ ಔಷಧಗಳ ದುರುಪಯೋಗ ನಿಯಂತ್ರಣವಾಗುತ್ತದೆ.
