ಗಾಜಾ/ಜೆರುಸಲೇಂ: 50 ದಿನಗಳಿಂದ ನಡೆಯುತ್ತಿರುವ ಹಿಂಸಾಚಾರಕ್ಕೆ ಕೊನೆ ಹಾಡಲು ಈಜಿಪ್ಟ್ ಮುಂದಿಟ್ಟಿರುವ ದೀರ್ಘಕಾಲಿನ ಕದನ ವಿರಾಮ ಪ್ರಸ್ತಾವಕ್ಕೆ ಇಸ್ರೇಲ್ ಮತ್ತು ಪ್ಯಾಲೆಸ್ಟೀನ್ ಒಪ್ಪಿಕೊಂಡಿವೆ.
ಒಪ್ಪಂದದ ಬಗ್ಗೆ ಎರಡೂ ಕಡೆಯವರ ಅಧಿಕೃತ ಘೋಷಣೆಯನ್ನು ಈಜಿಪ್ಟ್ ನಿರೀಕ್ಷಿಸುತ್ತಿದೆ.
‘ಒಪ್ಪಂದದ ಪ್ರತಿ ಎರಡೂ ಕಡೆಯವರಿಗೆ ತಲುಪಿದೆ. ಕೈರೊದಿಂದ ಘೋಷಣೆ ಹೊರಗೆ ಬೀಳುವುದನ್ನು ನಾವು ನಿರೀಕ್ಷಿಸುತ್ತಿದ್ದೇವೆ’ ಎಂದು ಹಮಾಸ್ ವಕ್ತಾರ ಸಮಿ ಅಬು ಜುಹರಿ ಹೇಳಿದ್ದಾರೆ. ಈ ಮಧ್ಯೆ ಹಮಾಸ್ ಪ್ರದೇಶಗಳ ಮೇಲೆ ಇಸ್ರೇಲ್ ನಡೆಸಿದ ವೈಮಾನಿಕ ದಾಳಿಯಲ್ಲಿ ಇಬ್ಬರು ಪ್ಯಾಲಿಸ್ಟೀನಿ ಪ್ರಜೆಗಳು ಸಾವನ್ನಪ್ಪಿದ್ದಾರೆ.