ಮನೆಗೆಲಸ ಮಾಡುವವರಿಗೆ ಕನಿಷ್ಠ ವೇತನ ನಿಗದಿಪಡಿಸಿ ಕಾರ್ಮಿಕ ಇಲಾಖೆ ಕರಡು ಅಧಿಸೂಚನೆ ಹೊರಡಿಸಿರುವ ಸುದ್ದಿ ಓದಿ ಅಚ್ಚರಿಯಾಯಿತು (ಪ್ರ.ವಾ., ನ. 28).
ಏಕೆಂದರೆ ಪದವಿ ಹಾಗೂ ಸ್ನಾತಕೋತ್ತರ ಪದವಿ ಪಡೆದ ಅನೇಕ ವಿದ್ಯಾರ್ಥಿಗಳು ವೃತ್ತಿ ಅನುಭವವಿಲ್ಲ ಎಂಬ ಕಾರಣದಿಂದ ಅತಿ ಕಡಿಮೆ ತಿಂಗಳ ವೇತನ ಪಡೆಯುತ್ತಿದ್ದಾರೆ. ಲಕ್ಷಾಂತರ ಹಣವನ್ನು ವಿದ್ಯಾಭ್ಯಾಸಕ್ಕಾಗಿ ಖರ್ಚು ಮಾಡಿ, ಒಳ್ಳೆಯ ಪದವಿ ಪಡೆದು ಕಂಪೆನಿಗಳಿಗೆ
ಉದ್ಯೋಗಕ್ಕೆ ಹೋಗುವ ಅನೇಕರು ತಿಂಗಳಿಗೆ ಐದಂಕಿಯ ವೇತನವನ್ನು ಪಡೆಯುತ್ತಿಲ್ಲ.
ಆದ್ದರಿಂದ ಮನೆಗೆಲಸದವರಿಗೆ ತಿಂಗಳ ಕನಿಷ್ಠವೇತನವನ್ನು ನಿಗದಿಪಡಿಸಿದಂತೆ ಪದವೀಧರರಿಗೂ ಕನಿಷ್ಠ ವೇತನವನ್ನು ನಿಗದಿಪಡಿಸಬೇಕು.