ಕನ್ನಡ ಸಿನಿಮಾ: ಕ್ಲಾಸೋ? ಮಾಸೋ?

ಬೆಳ್ಳಿ ಪರದೆ ಮುಂದೆ ಕುಣಿದು ಕುಪ್ಪಳಿಸಿ, ತಮ್ಮ ನಾಯಕ ಎಂಟ್ರಿ ಕೊಟ್ಟಾಗ ಪರದೆಗೆ ಹೂವು, ಕಷ್ಟಪಟ್ಟು ದುಡಿದ ಚಿಲ್ಲರೆ ಕಾಸು ಎಸೆಯುವ ಅವರ ಅಭಿಮಾನ, ಅಭಿರುಚಿಯನ್ನು ಗೌರವಿಸೋಣ.ಸಾಧ್ಯವಾದರೆ ಎರಡೂ ಬಗೆಯ ಸಿನಿಮಾಗಳನ್ನು ಮುಕ್ತ ಮನಸ್ಸಿನಿಂದ ನೋಡೋಣ. ಆರೋಗ್ಯಕರ ಚರ್ಚೆ ನಡೆಸೋಣ. ಇಲ್ಲಾ ಒಂದು ಪ್ರಕಾರದ ಸಿನಿಮಾ ನಮಗೆ ಇಷ್ಟವಾಗದು ಎಂದರೆ ಹೀಯಾಳಿಸೋದಕ್ಕೆಂದೇ ನೋಡೋಕಿಂತ ನೋಡದಿರೋದೆ ಒಳ್ಳೇದು. ಇಷ್ಟ ಆಗೋರು ನೋಡಿಕೊಳ್ಳಲಿ. ಆರ್ಥಿಕವಾಗಿ ಕೆಳವರ್ಗದವರ ನಡೆ ನುಡಿ ಸಂಸ್ಕೃತಿ ಅಭಿರುಚಿಗಳನ್ನು ಹೀಯಾಳಿಸೋದು ಮುಂದುವರಿದ ನಾಗರೀಕ ಸಮಾಜದ ಮುಖ್ಯ ತೆವಲುಗಳಲ್ಲೊಂದು. ನಾವು ಮತ್ತು ನಮಗೆ ಒಗ್ಗುವುದು ಮಾತ್ರ ಶ್ರೇಷ್ಠ ಎಂಬ ಮೇಲರಿಮೆ ದೂರವಾಗಲಿ ಎಂದು ಕವಿರಾಜ್ ಬರೆದಿದ್ದರು.

</p><p>ಅದೇ ವೇಳೆ ರನ್ ಆ್ಯಂಟನಿ ಚಿತ್ರದ ನಿರ್ಮಾಪಕ ಗುರು ರಾಜ್‍ಕುಮಾರ್ ಅವರು ಪವನ್ ಕುಮಾರ್ ರವರು ಕಷ್ಟ ಪಟ್ಟು ಹಣ ಸಂಗ್ರಹಿಸಿ ಒಂದು realistic ಚಿತ್ರ ಖುದ್ದಾಗಿ ನಿರ್ಮಿಸಿ ಇಡೀ ಪ್ರಪಂಚದಲ್ಲಿ ಅವರ ಚಿತ್ರ ಬಿಡುಗಡೆ ಮಾಡಲು ಓಡಾಡುವುದು ಕನ್ನಡ ಚಿತ್ರಗಳ ಬೆಳವಣಿಗೆಗೆ . ಹಾಗೇ ಕೆಲವರು ಕೋಟ್ಯಂತರ ದುಡ್ಡು ಬಂಡವಾಳ ಹೂಡಿ ಮಾಡುವ mass ಚಿತ್ರಗಳಿಂದಲೇ ನಮ್ಮ ಸಿನಿಮಾಗಳು ಬೇರೆ ಭಾಷೆಯಾ blockbuster ಸಿನಿಮಾಗಳಿಗಿಂತ ಕಡಿಮೆ ಇಲ್ಲ ಎಂದು ತೋರುತ್ತವೆ . In fact ಅಭಿಮಾನಿಗಳು ಹುಚ್ಚೆದ್ದು ಕುಣಿಯೋದು ಇಂತಹ ಸಿನಿಮಾಗಳಿಗೆ. ಇದರಿಂದ ಲಾಭ ಬಂದರೆ ಇನ್ನೊಂದು ಬಿಗ್ ಬಜೆಟ್ ಫಿಲಂ ಮಾಡಕ್ಕೆ ರೆಡಿ. ಈ ಎರಡು ರೀತಿಯ ಚಿತ್ರಗಳು ಗೆದ್ದಾಗಲೇ ಚಿತ್ರೋಧ್ಯಮ ಬೆಳೆಯೋದು ! ಎಂದು ಫೇಸ್‍‌ಬುಕ್‍ನಲ್ಲಿ ಬರೆದುಕೊಂಡಿದ್ದಾರೆ.</p><p><iframe allowtransparency="true" frameborder="0" height="703" scrolling="no" src="https://www.facebook.com/plugins/post.php?href=https%3A%2F%2Fwww.facebook.com%2Fguru.rajkumar.5%2Fposts%2F10204705835205954&amp;width=500" style="border:none;overflow:hidden" width="500"/></p><p>ಈ ಎಲ್ಲ ವಿದ್ಯಮಾನಗಳ ಹಿನ್ನೆಲೆಯಲ್ಲಿ ಸಿನಿಮಾವನ್ನು ಕ್ಲಾಸ್ ಮತ್ತು ಮಾಸ್ ಆಗಿ ವರ್ಗೀಕರಿಸುವುದು ಸರಿಯೆ? ಸಾಮಾಜಿಕ ತಾಣಗಳಲ್ಲಿ  ನಡೆಯುವಂಥಾ ಈ ಚರ್ಚೆಗಳ ಬಗ್ಗೆ ನಿಮ್ಮ ಅಭಿಪ್ರಾಯವೇನು? ಎಂಬ ಪ್ರಶ್ನೆಗಳನ್ನು ಕನ್ನಡ ಸಿನಿಮಾ ನಿರ್ದೇಶಕರಾದ <strong>ಯೋಗರಾಜ್ ಭಟ್, ಮಂಸೋರೆ, ಸುಮನ್ ಕಿತ್ತೂರು, ಶಶಾಂಕ್, ಹೇಮಂತ್ ರಾವ್, ವೈರಸ್ ವೀರು</strong> ಅವರಲ್ಲಿ ಕೇಳಲಾಯಿತು. ಅದಕ್ಕೆ ನಿರ್ದೇಶಕರು ಕೊಟ್ಟ ಉತ್ತರವೇನು?<br/>&#13; ಇಲ್ಲಿದೆ ನೋಡಿ</p><p><strong>ಈ ಚರ್ಚೆಗಳಿಂದ ನಿಜವಾದ ಪ್ರೇಕ್ಷಕ ಯಾವತ್ತೂ ವಿಚಲಿತನಾಗುವುದೇ ಇಲ್ಲ :ಯೋಗರಾಜ್ ಭಟ್ </strong></p><p><strong><img alt="" src="https://cms.prajavani.net/sites/pv/files/article_images/2016/06/14/yograj.jpg" style="width: 300px; height: 245px; float: left;" data-original="/http://www.prajavani.net//sites/default/files/images/yograj.jpg"/></strong></p><p>ಕ್ಲಾಸ್  ಮತ್ತು ಮಾಸ್ ವಿಂಗಡಣೆ ಬೇಕೋ ಬೇಡವೋ ಎಂಬುದನ್ನು ನಾವು ನೀವು ಹೇಳಿದರೆ ಆಗುವುದಿಲ್ಲವಲ್ಲಾ? .ಅವರವರ ಅಭಿರುಚಿ, ಅವರಿಗೆ ಬೇಕಾದ ಸಿನಿಮಾದ ಕೊನೆಯ ಗ್ರಾಹಕ ಪ್ರೇಕ್ಷಕ ಅಂತ ಕರೀತೀವಿ ಅವರವರ ಅಭಿರುಚಿಗೆ ತಕ್ಕಂತೆ ಆತ ಸಿನಿಮಾಗಳನ್ನು ನೋಡುತ್ತಾನೆ. ಚೆನ್ನಾಗಿದ್ದರೆ ನೂರು ಜನಕ್ಕೋ, ಸಾವಿರ ಜನಕ್ಕೊ ಅದನ್ನು ದಾಟಿಸುತ್ತಾನೆ. ಚೆನ್ನಾಗಿಲ್ಲ ಅಂದ್ರೆ ಅವನು ಬೇರೆ ಯಾರಿಗೂ ಹೋಗ್ಬೇಡಿ ಅಂತಾನೆ.<br/>&#13; <br/>&#13; So, ಗಂಭೀರ ಸಿನಿಮಾ ಅಥವಾ ಇನ್ಯಾವುದೇ ಪ್ರಯೋಗಾತ್ಮಕ ಸಿನಿಮಾವನ್ನು ನೋಡಿದ ಪ್ರೇಕ್ಷಕ, ಅವನಿಗೆ ಇಷ್ಟವಾದ ಪ್ರೇಕ್ಷಕನನ್ನು ಕಳುಹಿಸುತ್ತಾನೆ. ಅವನ ಸ್ನೇಹಿತರನ್ನೇ ಕಳುಹಿಸುತ್ತಾನೆ. ಅದಕ್ಕೆ ಯಾರು ಅಭಿಪ್ರಾಯ ವ್ಯಕ್ತ ಪಡಿಸಿದರೆ ಏನು ? ಯಾವ ವರ್ಗ, ಬೇಧಗಳು ಅವರಲ್ಲಿಲ್ಲ . ಇದ್ದರೂ ಅದು ಜನ ಸಮಷ್ಟಿಗೆ ಪ್ರೇಕ್ಷಕನಿಗೆ ಅದು ಸಂಬಂಧಪಡಲ್ಲ.  ಅವರು ಯಾವತ್ತೂ ಯಾವುದೇ ಅಭಿಪ್ರಾಯವನ್ನು ವ್ಯಕ್ತ ಪಡಿಸುವುದಿಲ್ಲ. ನಿಜವಾದ ಪ್ರೇಕ್ಷಕನಿಗೆ  ಅಭಿಪ್ರಾಯ ವ್ಯಕ್ತ ಪಡಿಸುವ ಸಮಯ ಇಲ್ಲ. ಅವನಿಗೆ ಏನು ಇಷ್ಟವೋ ಅದನ್ನು ಮುಗಿಬಿದ್ದು ನೋಡ್ತಾನೆ. ಗಂಭೀರ ಪ್ರೇಕ್ಷಕ ಇರಬಹುದು, ಎಂಥಾ ಪ್ರೇಕ್ಷಕನೇ ಇರಬಹುದು. ಅವರವರ ಅಭಿರುಚಿಗೆ , ಅವರವರಿಗೆ ಏನು ಬೇಕೋ ಅದನ್ನು ಪಡೆದುಕೊಂಡು  ಹೋಗುತ್ತಿರುತ್ತಾರೆ.<br/>&#13; <br/>&#13; ಉದಾಹರಣೆಗೆ ಒಬ್ಬನಿಗೆ ಇಡ್ಲಿ ಇಷ್ಟ, ಇನ್ನೊಬ್ಬನಿಗೆ ಖಾಲಿ ದೋಸೆ. ಇನ್ನೊಬ್ಬನಿಗೆ ಮಸಾಲೆ ದೋಸೆ ಇಷ್ಟ. ಅವನು ಆಯಾ ಹೋಟೆಲ್ ಗಳನ್ನೇ ಅವನಾಗಿಯೇ ಹುಡುಕಿಕೊಂಡು ಹೋಗಿ ಅಲ್ಲಿ ತಿಂತಾನೆ. ಅವನು ಇಡ್ಲಿ ಚೆನ್ನಾಗಿತ್ತಾ? ಅಂತ ಫೇಸ್ ಬುಕ್ ನಲ್ಲಿ ಹಾಕಲ್ಲ. ದೋಸೆ ಚೆನ್ನಾಗಿತ್ತಾ? ಅಂತ ಫೇಸ್ ಬುಕ್ ನಲ್ಲ ಹಾಕಲ್ಲ, ಇಡ್ಲಿ ತಿಂದು ದುಡ್ಡು ಕೊಟ್ಟು ಹೋಗ್ತಾ ಇರ್ತಾನೆ ಅಷ್ಟೇ. So, ಈ ಅಭಿಪ್ರಾಯವೆಲ್ಲಾ ಅಥವಾ ಹಂಗಿದೆ ಹಿಂಗಿದೆ ಎನ್ನುವುದು ಅವನಿಗೆ ಯಾವತ್ತೂ ತಟ್ಟುವುದೇ ಇಲ್ಲ. ಅವನಿಗೆ ಯಾವುದು ಗೊತ್ತೇ ಇಲ್ಲ.<br/>&#13; <br/>&#13; ಅವನ ಮಟ್ಟಿಗೆ ಅವನು ಸಿನಿಮಾ ನೋಡಿ ಎಂಜಾಯ್ ಮಾಡ್ತಾ ಇರ್ತಾನೆ ವಿನಾ ಬೇರೆಯವರ ಅಭಿಪ್ರಾಯದಿಂದ ಅವನಿಗೇನು ಆಗಬೇಕು ಅಂತಿಲ್ಲ. ಈಗ ನಾವು ಸಾಮಾಜಿಕ ತಾಣಗಳಲ್ಲಿ ನಮ್ಮ ನಮ್ಮ ವಲಯಗಳನ್ನು ಮಾಡಿಕೊಂಡಿದ್ದೀವಿ. ಇದು ಅವನಿಗೆ ಸಂಬಂಧ ಪಡುವುದಿಲ್ಲ. ಆದ್ದರಿಂದ ನಿಜವಾದ ಪ್ರೇಕ್ಷಕ ಯಾವತ್ತೂ ವಿಚಲಿತನಾಗುವುದೇ ಇಲ್ಲ. ಕ್ಲಾಸ್ ಅಥವಾ ಮಾಸ್ ಪ್ರೇಕ್ಷಕ  ಆಗಿರಬಹುದು. ಅದು ಅವನ ಸ್ವಂತದ ಅಭಿರುಚಿ, ಸ್ವಂತದ ಅಭಿಪ್ರಾಯ, ಸ್ವಂತದ ಟೈಮ್. ಈ ಚರ್ಚೆ ಅವನಿಗೆ ಸಂಬಂಧಪಡಲ್ಲ. ಆದ್ದರಿಂದ ಅದ ನನಗೂ ಸಂಬಂಧ ಪಡಲ್ಲ . ಯಾಕೆಂದರೆ ನಾನು ತುಂಬಾ ಸಾಮಾನ್ಯ ಮನುಷ್ಯ.<br/>&#13; <br/>&#13; *******<br/>&#13; <strong>ಸಿನಿಮಾ ಅಂದರೆ ಸಿನಿಮಾ ಅಷ್ಟೇ: ಮಂಸೋರೆ </strong><br/>&#13; <strong>(ಮಂಸೋರೆ ರಾಷ್ಟ್ರಪ್ರಶಸ್ತಿ ವಿಜೇತ 'ಹರಿವು' ಚಿತ್ರದ ನಿರ್ದೇಶಕ)</strong></p><p><img alt="" src="https://cms.prajavani.net/sites/pv/files/article_images/2016/06/14/mansore.jpg" style="width: 300px; height: 300px; float: right;" data-original="/http://www.prajavani.net//sites/default/files/images/mansore.jpg"/>ನಿರ್ದಿಷ್ಟ ಚೌಕಟ್ಟು  ಇಟ್ಟುಕೊಂಡು ಸಿನಿಮಾವನ್ನು ನೋಡಲು ಸಾಧ್ಯವಿಲ್ಲ. ಸಿನಿಮಾ ಅಂದರೆ ಸಿನಿಮಾ ಅಷ್ಚೇ. ರಾಜ್ ಕುಮಾರ್ ಅವರ ಸಿನಿಮಾಗಳನ್ನೇ ನೋಡಿ, ಅಲ್ಲಿ ಕ್ಲಾಸ್, ಮಾಸ್ ಎರಡೂ ಸಬ್ಜೆಕ್ಟ್ ಗಳಿದ್ದವು. ಕ್ಲಾಸ್ ಸಿನಿಮಾ ಅಂದರೆ ಗಂಭೀರ ವಿಷಯವಿರುತ್ತದೆ, ಮಾಸ್ ಸಿನಿಮಾ ಅಂದ್ರೆ ಮನರಂಜನೆ ಇರುವಂಥದ್ದು ಎಂದು ಹೇಳಲಾಗುತ್ತದೆ. ಆದರೆ ವಿಷಯಗಳು ಯಾವುದೇ ಇರಲಿ, ಸಿನಿಮಾ ಜನರನ್ನು ತಲುಪಿದೆಯೇ ಎಂಬುದು ಮುಖ್ಯವಾಗುತ್ತದೆ. ಕ್ಲಾಸ್  ಸಿನಿಮಾವನ್ನು 10 ನಿಮಿಷಕ್ಕಿಂತ ಹೆಚ್ಚು ಹೊತ್ತು ಸಹಿಸಿಕೊಳ್ಳಲು ಆಗುವುದಿಲ್ಲ ಎಂದು ಹೇಳುವಂತೆ ಮಾಸ್ ಸಿನಿಮಾವನ್ನು 5 ನಿಮಿಷಕ್ಕಿಂತ ಹೆಚ್ಚು ಸಹಿಸಿಕೊಳ್ಳಲು ಆಗದ್ದೂ ಇದೆ.<br/>&#13; <br/>&#13; ಸಿನಿಮಾದಲ್ಲಿ ಈ ರೀತಿಯ ವಿಭಜನೆಗಳು ಬೇಡ. ನನ್ನ ಪ್ರಕಾರ ಇರುವುದು ಎರಡೇ ರೀತಿಯ ಸಿನಿಮಾಗಳು. ಒಂದು ಒಳ್ಳೆಯ ಸಿನಿಮಾ, ಇನ್ನೊಂದು ಕೆಟ್ಟ ಸಿನಿಮಾ. ಸಿನಿಮಾ ನೋಡುತ್ತಿದ್ದಂತೆ ಅದು ನನಗೆ ಯಾವುದಾದರೊಂದು ರೀತಿಯಲ್ಲಿ ಕನೆಕ್ಟ್ ಆಗಬೇಕು.ಅದು ಕತೆಯಲ್ಲಾಗಲೀ, ಮನರಂಜನೆ, ಹಾಡು ಅದ್ಯಾವುದೇ ವಿಷಯದಲ್ಲಿ ಸಿನಿಮಾವೊಂದು ನನ್ನನ್ನು ಎಂಗೇಜ್ ಮಾಡುತ್ತದೆ ಎಂದರೆ ಆ ಸಿನಿಮಾ ನನಗೆ ಕನೆಕ್ಟ್ ಆಗಿದೆ ಎಂದರ್ಥ.<br/>&#13; <br/>&#13; 2 ಗಂಟೆ ಕೂತು ಸಿನಿಮಾ ನೋಡುವಾಗ ಆ ಸಿನಿಮಾ ನನಗೆ ಕನೆಕ್ಟ್ ಆದರೆ ಅದು ನನ್ನ ಪ್ರಕಾರ ಒಳ್ಳೆಯ ಸಿನಿಮಾ. ಅದ್ಯಾವುದೇ ರೀತಿಯಲ್ಲಿ ಸಿನಿಮಾ ನನ್ನನ್ನು ಕನೆಕ್ಟ್ ಮಾಡುತ್ತಿಲ್ಲ ಎಂದು ನನಗೆ ಅನಿಸಿದರೆ 10 ನಿಮಿಷಕ್ಕಿಂತ ಹೆಚ್ಚು ಹೊತ್ತು ಅದನ್ನು ನೋಡಲು ಸಾಧ್ಯವಿಲ್ಲ, ಇದು ನನ್ನ ಪ್ರಕಾರ ಕೆಟ್ಟ ಸಿನಿಮಾ.<br/>&#13; <br/>&#13; ಅಂದಹಾಗೆ ಇತ್ತೀಚೆಗೆ ಬಿಡುಗಡೆಯಾಗಿರುವ ಗೋಧಿಬಣ್ಣ ಸಾಧಾರಣ ಮೈಕಟ್ಟು, ತಿಥಿ ಸಿನಿಮಾವನ್ನು ಯಾವ ಕೆಟಗರಿಗೆ ಸೇರಿಸುತ್ತೀರಿ? ಅದು ಜನರನ್ನು ತಲುಪಲಿಲ್ಲವೆ?  ಸಿನಿಮಾದಲ್ಲಿ ಕ್ಲಾಸ್, ಮಾಸ್ ಎಂದು ಕೆಟಗರಿ ಮಾಡುವ ಬದಲು ಒಂದು ಸಿನಿಮಾವನ್ನು ಸಿನಿಮಾ ಎಂದೇ ನೋಡಬೇಕು.</p><p><strong>*******<br/>&#13; ಕ್ಲಾಸ್ -ಮಾಸ್  ಎಂಬುದು ಮಾಧ್ಯಮ ಸೃಷ್ಟಿಸಿದ ಪರಿಭಾಷೆ: ಹೇಮಂತ್ ರಾವ್<br/>&#13; <img alt="" src="https://cms.prajavani.net/sites/pv/files/article_images/2016/06/14/hemanth(1).jpg" style="width: 300px; height: 297px; float: left;" data-original="/http://www.prajavani.net//sites/default/files/images/hemanth(1).jpg"/></strong></p><p>ನನ್ನ ಅಭಿಪ್ರಾಯದಲ್ಲಿ ಕ್ಲಾಸ್, ಮಾಸ್ ಅನ್ನುವುದು ಏನೂ ಅಲ್ಲ . ಅವೆಲ್ಲಾ ನಾವು ಕೊಟ್ಟ ಹೆಸರಗಳು. ಮೀಡಿಯಾದವರು ಕೊಟ್ಟ ಟೈಟಲ್ ಗಳು.  ಬಂಗಾರದ ಮನುಷ್ಯ, ಬಯಲುದಾರಿ ಸಿನಿಮಾಗಳನ್ನು ನೋಡಿ ಇದು ಎಲ್ಲ  ಜನರಿಗೆ ತಲುಪಿರುವಂಥಾ ಸಿನಿಮಾ. ಅದರಲ್ಲಿ ಕ್ಲಾಸ್ ಎಲಿಮೆಂಟ್  ಇದೆ, ಮಾಸ್ ಎಲಿಮೆಂಟ್  ಇದೆ. ಅದರಲ್ಲಿ ಬಂಗಾರದ ಮನುಷ್ಯ ಸಿನಿಮಾವನ್ನು ಯಾವ ವರ್ಗಕ್ಕೆ ಸೀಮಿತ ಮಾಡುತ್ತೀರಿ ?  ಕ್ಲಾಸ್ ಫಿಲಂ? ಮಾಸ್ ಫಿಲಂ?<br/>&#13; ಜನರಿಗೆ ಯಾವುದು ತಲುಪುತ್ತೋ ಅದು ಮಾಸ್ ಫಿಲಂ. ಯಾವುದು ತಲುಪುವುದಿಲ್ಲವೋ ಅಥವಾ ಇದು ಒಂದು ವರ್ಗದ  ಜನರು ನೋಡಲ್ಲ ಎಂದಾದರೆ ಅಂಥದನ್ನು  ಕ್ಲಾಸ್ ಅಂತ ಹೇಳುತ್ತೇವೆ.<br/>&#13; <br/>&#13; ನನಗನಿಸಿದ ಪ್ರಕಾರ  ಸಿನಿಮಾ ಜನರಿಗೆ ತಲುಪಿದೆ ಅಂತ ಆದರೆ  ಅದು ಸಾಧಾರಣ  ಜನರಿಗೆ ತಲುಪುತ್ತದೆ. ಅಂದರೆ ಅದು ಎಲ್ಲರಿಗಾಗಿ ಮಾಡಿಸಿದ ಸಿನಿಮಾ. ಅದರಲ್ಲಿ ಕ್ಲಾಸ್,  ಮಾಸ್ ಅಂಥದ್ದೇನಿಲ್ಲ. ಅದರ ಬಗ್ಗೆ ನನಗೆ ಅಭಿಪ್ರಾಯವೇನಿಲ್ಲ. ಎಲ್ಲ ಪ್ರೇಕ್ಷಕ ವರ್ಗವನ್ನು ನೋಡುವುದಾದರೆ ಎಲ್ಲ ಸಿನಿಮಾನೂ ನಿರ್ದಿಷ್ಟ ಪ್ರೇಕ್ಷಕರಿಗೆ ತಲುಪುವಂತಾಗಲು ಸಾಧ್ಯ.  ಸಿನಿಮಾ ಮಾಡುವಾಗ ಮೇಕಿಂಗ್ ಪಾಯಿಂಟ್ ಆಫ್ ವ್ಯೂ ನಿಂದ ಈ ಸಿನಿಮಾನ  ಕ್ಲಾಸ್  ಪ್ರೇಕ್ಷಕರಿಗಾಗಿ ಮಾಡೋಣ ಎಂದು ನಿರ್ಧರಿಸುತ್ತೇವೆ ಎಂದು ಅಂದುಕೊಳ್ಳೋಣ. ಹಾಗೆ ಮಾಡುವಾಗ ನಮ್ಮ ಪ್ರೇಕ್ಷಕರನ್ನು ನಾವೇ ಕಮ್ಮಿ ಮಾಡಿಕೊಳ್ಳುತ್ತಿದ್ದೀವಿ. ಅದು ದೊಡ್ಡ ತಪ್ಪು ಅಲ್ವಾ?<br/>&#13; <br/>&#13; ನಮ್ಮ ಕನ್ನಡ ಜನತೆ ಇರುವುದು 6 ಕೋಟಿ ಜನ. ಅದರಲ್ಲಿ ಕೇವಲ 20-30 ಲಕ್ಷ ಜನರು ಸಿನಿಮಾವನ್ನು ಥಿಯೇಟರ್  ನಲ್ಲಿ ಬಂದು ನೋಡುತ್ತಾರೆ. ಇದನ್ನು ನಾವು ದೊಡ್ಡದು ಮಾಡ್ಬೇಕು ಅಂದ್ರೆ ಈ ಕ್ಲಾಸ್ -ಮಾಸ್ ಅನ್ನುವುದನ್ನು ಪಕ್ಕಕ್ಕಿಟ್ಟು ಇಡೀ ಪ್ರೇಕ್ಷಕರಿಗೆ ಸಿನಿಮಾ ಮಾಡ್ತಾ ಇದ್ದೀವಿ ಅಂತ ಮಾಡಿದ್ರೆ ಜಾಸ್ತಿ ಜನರನ್ನು ಅದು ತಲುಪುತ್ತದೆ. ಸಿಂಪಲ್ ಆಗಿ ಹೇಳ್ಬೇಕು ಅಂದ್ರೆ  ಐ ಡೋಂಟ್  ಥಿಂಕ್  ಕ್ಲಾಸ್ -ಮಾಸ್ , ಅದೆಲ್ಲಾ Unnecessary ಅಂಥ ನನಗೆ ಅನಿಸುತ್ತದೆ.<br/>&#13; <br/>&#13; <strong>*******</strong><br/>&#13; <strong>ಕ್ಲಾಸ್  ಮಾಸ್ ಅನ್ನುವ ವಿಂಗಡಣೆ ಇಲ್ಲ, ಅದು ಜನರ ಮನಸ್ಥಿತಿ ಆಧಾರಿತ : ಶಶಾಂಕ್</strong></p><p><strong><img alt="" src="https://cms.prajavani.net/sites/pv/files/article_images/2016/06/14/shashank.jpg" style="width: 300px; height: 335px; float: right;" data-original="/http://www.prajavani.net//sites/default/files/images/shashank.jpg"/></strong></p><p>ವಿಂಗಡಣೆ ಅನ್ನೋದು ಏನಿಲ್ಲ. ಜನರ ಮನಸ್ಥಿತಿಯನ್ನು ಆಧರಿಸಿ ಕ್ಲಾಸ್ ಮತ್ತು ಮಾಸ್ ಅನ್ನುವಂಥಾ ಸಿನಿಮಾಗಳು, ಅದು, ಇದೂ ಅಂತ ಹೇಳಲಾಗುತ್ತದೆ. ಕ್ಲಾಸ್ ಸಿನಿಮಾಗಳು ಅಂದರೆ ತುಂಬಾ ವಿದ್ಯಾವಂತರು ತುಂಬಾ ಸೆನ್ಸಿಟಿವ್ ಆಗಿರುವ  ಆಡಿಯನ್ಸ್ ಇರ್ತಾರೆ.  ಅವರ ಅಭಿರುಚಿಗೆ ತಕ್ಕಂತೆ  ಆ ಸಿನಿಮಾಗಳಿರುತ್ತವೆ. ಹಾಗೆ ಆ ಸಿನಿಮಾಗಳು ಅವರಿಗೆ ಇಷ್ಟ ಆಗುತ್ತದೆ.  ಮಾಸ್  ಸಿನಿಮಾಗಳು ಅಂದರೆ ಅವರ ಅಭಿರುಚಿ ಬೇರೆಯೇ ಆಗಿರುತ್ತದೆ.  ಇಲ್ಲಿ ಟಾಸ್ಕ್  ಬೇರೆ ಇರುತ್ತೆ. ಅವರು ಸಿನಿಮಾವನ್ನು ನೋಡುವ ವಿಧಾನ ಬೇರೆಯೇ ಇರುತ್ತದೆ.<br/>&#13; <br/>&#13; ಹೀಗಿರುವಾಗ ಅಂಥಾ ಸಿನಿಮಾಗಳು ಅವರಿಗೆ ಇಷ್ಟವಾಗುತ್ತೆ. ಹಾಗಾಗಿ ಕ್ಲಾಸ್  ಮತ್ತು ಮಾಸ್ ಅನ್ನೋದು ಯಾರೂ ವಿಂಗಡಣೆ ಮಾಡಿರುವುದಿಲ್ಲ. ಇಂದು ನಮ್ಮಲ್ಲಿ ಎರಡು ಆ ಥರದ, ವರ್ಗದ ಜನಗಳಿದ್ದಾರೆ. ಅವರವರ ಅಭಿರುಚಿಗೆ ತಕ್ಕಂತೆ ಸಿನಿಮಾ ನೋಡ್ತಾರೆ. ವಿಂಗಡಣೆ ಅಂಥ ಯಾರೂ ಮಾಡಿರುವುದಿಲ್ಲ.  ತಾನಾಗಿಯೇ ಅದು ಈ ಸಮಾಜದಲ್ಲಿ ಹುಟ್ಟಿಕೊಂಡಿದೆ. ಸಿನಿಮಾದವರು ಮಾಡಿರುವುದೇನೂ ಅಲ್ಲ.<br/>&#13; <br/>&#13; ನಾವು ಸಿನಿಮಾ ಮೇಕರ್ ಗಳಾಗಿ ಒಂದು ಸಿನಿಮಾ ಮಾಡುವಾಗ ಪ್ರತಿಯೊಂದು ಸಿನಿಮಾಗೂ ಒಂದು ಟಾರ್ಗೆಟ್ ಆಡಿಯನ್ಸ್ ಅಂಥಾ ಇಟ್ಟುಕೊಂಡೇ ಯೋಚನೆ ಮಾಡಬೇಕು. ನಾನು ಯಾವ ರೀತಿಯ ಸಿನಿಮಾ ಮಾಡ್ತೀನಿ?  ಆ ಸಿನಿಮಾಯಾವ ವರ್ಗದ ಪ್ರೇಕ್ಷಕರಿಗೆ ತುಂಬ ಇಷ್ಟ ಆಗುತ್ತದೆ ಎಂಬುದು ಸಿನಿಮಾ ಮಾಡುವವರಿಗೆ  ಗೊತ್ತಿರಬೇಕು. ಅದು ಗೊತ್ತಿರುತ್ತದೆ ಕೂಡಾ.  ಆದ್ದರಿಂದ ಆ ವರ್ಗಕ್ಕೆ ಇಷ್ಟವಾಗುವಂತೆ  ಆ ಎಲಿಮೆಂಟ್ ನ್ನು ಆ ಕಥೆಯೊಳಗೆ ಇಡುತ್ತಾರೆ. ಆ ತರದ ಪಾತ್ರಗಳನ್ನು, ಆ ಥರದ ಸನ್ನಿವೇಶಗಳು , ಆ ತರದ ವಾತಾವರಣ ಎಲ್ಲವೂ.<br/>&#13; <br/>&#13; ಮಾಸ್ ಮತ್ತು ಕ್ಲಾಸ್ ವಿಂಗಡಣೆ ಸರಿಯೇ ಎಂದು ಕೇಳಿದ್ರಿ..ನನ್ನ ಪ್ರಕಾರ ಎರಡೂ ತಪ್ಪೇನಿಲ್ಲ , ಎರಡೂ ಬೇಕು . ಒಂದು ಇಂಡಸ್ಟ್ರಿ ಅಂದ ಮೇಲೆ ಎರಡೂ ತರದ ಸಿನಿಮಾಗಳು ಬೇಕು. ಕೆಲವೊಮ್ಮೆ ಕೆಲವೊಂದು ತರದ ಸಿನಿಮಾಗಳು ತುಂಬಾ ಅಪರೂಪ ಎನ್ನುವಂತೆ ಎಲ್ಲರಿಗೂ ಇಷ್ಟವಾಗುತ್ತದೆ. ಉದಾ ಹರಣೆಗೆ ಮುಂಗಾರು ಮಳೆ  ಸಿನಿಮಾ. ಅಪರೂಪಕ್ಕೆ ಕೆಲವು ಸಿನಿಮಾಗಳು ಎಲ್ಲ ವರ್ಗವನ್ನು ಏಕಕಾಲಕ್ಕೆ  ತಲುಪುತ್ತವೆ. ಇಂಥಾ ಸಿನಿಮಾಗಳು ಕ್ಲಾಸ್ ಜನಗಳಿಗೆ  ಎಷ್ಟು ಇಷ್ಟವಾಗುತ್ತದೋ ಮಾಸ್ ಜನಗಳಿಗೂ ಅಷ್ಟೇ ಇಷ್ಟವಾಗುತ್ತವೆ. ಅದೂ ಕೆಲವೊಂದು ಸಿನಿಮಾಗಳು ಅಷ್ಟೇ. ಅದಕ್ಕೆ ನಾನಾ ಕಾರಣಗಳಿರುತ್ತವೆ. ಇದಕ್ಕೆ ಇದೇ ಕಾರಣ ಎಂದು ಹೇಳಲು ಸಾಧ್ಯವಿಲ್ಲ!<br/>&#13; <br/>&#13; ಪ್ರತಿಯೊಬ್ಬ  ಸಿನಿಮಾ ಮೇಕರ್ ಗೂ ತಾನು ಮಾಡುತ್ತಿರುವ ಸಿನಿಮಾ ಯಾವ ಕೆಟಗರಿ ಆಫ್ ಆಡಿಯನ್ಸ್  ಗೆ ಮಾಡ್ತಾ ಇದ್ದೇನೆ ಎಂದು ಗೊತ್ತಿರಬೇಕು, ಗೊತ್ತಿರುತ್ತದೆ.  ಕೆಲವರು ಹೇಳ್ತಾರಷ್ಟೇ ನಾನು ಆ ಥರ ಎಲ್ಲ ವಿಂಗಡಣೆ ಮಾಡಲ್ಲ , ನನ್ನ ಮನಸ್ಸಿನಲ್ಲಿ  ಆ ಥರದ್ದು ಏನಿಲ್ಲ , ಕ್ಲಾಸ್  ಮಾಸ್ ಅಂಥದ್ದು ಏನಿಲ್ಲ ಅನ್ನೋದ ಸುಮ್ನೇ ತೋರಿಕೆಗೆ ಹೇಳುವಂಥಾ ಮಾತುಗಳು.  ಪ್ರತಿಯೊಬ್ಬ ನಿರ್ದೇಶಕನಿಗೂ, ನಿರ್ಮಾಪಕನಿಗೂ ಗೊತ್ತಿರುತ್ತದೆ . ತನ್ನ ಸಿನಿಮಾ ಯಾವ ವರ್ಗಕ್ಕೆ ಇಷ್ಟವಾಗಬಹುದು ಎಂಬುದು. ಅದರ ಅಂದಾಜಿಲ್ಲದೆ ಯಾರೂ ಸಿನಿಮಾ ಮಾಡಲ್ಲ. ಅದು ತಪ್ಪೂ ಅಲ್ಲ.<br/>&#13; <br/>&#13; ಸಿನಿಮಾ ಮಾತ್ರವಲ್ಲ ಯಾವುದೇ ಒಂದು ಉತ್ಪನ್ನವನ್ನು ತಯಾರು ಮಾಡುವಾಗ ಯಾವ ರೀತಿಯ ಪ್ರೇಕ್ಷಕರಿಗೆ. ಯಾವ ರೀತಿಯ ಜನರಿಗೆ ಇಷ್ಟ ಆಗುತ್ತದೆ ಎಂಬುದನ್ನು ನಿರ್ಧರಿಸಿಯೇ ಉತ್ಪನ್ನವನ್ನು ತಯಾರಿಸುತ್ತಾರೆ. ಒಂದು ಶಾಂಪೂ , ಸೋಪ್ ನಿಂದ  ಹಿಡಿದು  ಸಿನಿಮಾ ವರೆಗೂ ಇದು  ಯಾವ  ವರ್ಗಕ್ಕೆ ಎಂಬುದನ್ನು ನಿರ್ಧರಿಸಿಯೇ ಆ ಮೇಕರ್ ಮಾಡುತ್ತಾನೆ.ನಿರ್ದಿಷ್ಟ ವರ್ಗಕ್ಕೆ ತಲುಪಬೇಕು ಅನ್ನುವಾಗ ಆ ವರ್ಗಕ್ಕೆ ಬೇಕಾದ ಅಂಶಗಳನ್ನೇ ಆತ ಅದರಲ್ಲಿಡುತ್ತಾನೆ. ಅದು ಕೆಲವೊಮ್ಮೆ ಇಷ್ಟ ಆಗುತ್ತೆ. ಕೆಲವೊಮ್ಮೆ ಇಷ್ಟ ಆಗಲ್ಲ. ಅದು ಆನಂತರದ ವಿಷ್ಯ. ಆದರೆ ವಿಂಗಡಣೆ ಅಂತೂ ಇದ್ದೇ ಇರುತ್ತದೆ. ಟಾರ್ಗೆಟ್ ಆಡಿಯನ್ಸ್ ನ್ನು ಇಟ್ಟುಕೊಂಡೇ ಸಿನಿಮಾ ಮಾಡಲಾಗುತ್ತದೆ. Nothing wrong in that.<br/>&#13; <br/>&#13; *******<br/>&#13; <strong>ಅಬ್ಬರದ ಸಿನಿಮಾಗಳು ಮತ್ತು ಅಭಿರುಚಿಯ ಸಿನಿಮಾಗಳು ಎಂದರೆ ಉತ್ತಮ :ಸುಮನ್ ಕಿತ್ತೂರು</strong></p><p><strong><img alt="" src="https://cms.prajavani.net/sites/pv/files/article_images/2016/06/14/suman1.jpg" style="width: 300px; height: 200px; float: left;" data-original="/http://www.prajavani.net//sites/default/files/images/suman1.jpg"/></strong></p><p>ಇವತ್ತು  ಏನಾಗ್ತಿದೆ ಅಂದ್ರೆ ಕ್ಲಾಸ್, ಮಾಸ್ . ಕಮರ್ಷಿಯಲ್, ಆರ್ಟ್  ಅಂತ ಹೇಳ್ಬಿಟ್ಟು ಅವೆಲ್ಲವೂ ಬೇರೆ ಥರ ಆಗ್ತಿವೆ. ನನ್ನ ಅಭಿಪ್ರಾಯ ಪ್ರಕಾರ  ಒಟ್ಟಾರೆ ಈ ವರ್ಷದ ಬೆಳೆ ತೆಗೆದುಕೊಂಡರೆ ಕ್ಲಾಸ್ ಮಾಸ್ ಅದೆಲ್ಲವನ್ನೂ ಬದಿಗಿಟ್ಟು ನೋಡಿದರೆ, ಈಗ ಮಾಸ್ ನವರು ಬಂದ್ಬಿಟ್ಟು ಕ್ಲಾಸ್ ಸಿನಿಮಾಗಳನ್ನು ನೋಡ್ತಾರೆ. ಅಂದರೆ ಈ ವಿಗಂಡಣೆ ಮಾಡುವುದು ಬೇರೆ ಥರ ಆಗ್ತಿದೆ ಅಂತ. <br/>&#13; <br/>&#13; ಯಾಕೆಂದರೆ ಪ್ರೇಕ್ಷಕರ ಅಭಿರುಚಿ ಮತ್ತು ಸಿನಿಮಾ ನೋಡುತ್ತಿರುವ ಜಾಗ ಕೂಡಾ ಇಂದು ಬದಲಾಗಿದೆ.  ಸಿಂಗಲ್ ಥಿಯೇಟರ್‍ ಗಳಿಂದದ ನಾವು ಮಲ್ಟಿಪ್ಲೆಕ್ಸ್ ಗೆ ಬಂದಿದ್ದೀವಿ ಇವತ್ತು. ಅಲ್ಲಿ ಬೇರೆ ಬೇರೆ ರೀತಿಯ ಪ್ರೇಕ್ಷಕರು ಬರುತ್ತಾರೆ. ಅಲ್ಲಿ ಬೇರೆ ಬೇರೆ ಅಭಿರುಚಿಯ, ಬೇರೆ ಬೇರೆ ಸಿನಿಮಾಗಳನ್ನು ನೋಡುತ್ತಿರುತ್ತಾರೆ. ಒಂದು ಸಿನಿಮಾದಲ್ಲಿ ಇದ್ದದ್ದು ಇನ್ನೊಂದು ಸಿನಿಮಾದಲ್ಲಿ ಇರಬಾರದು.ಅದರಲ್ಲಿ ಬೇರೆ ಬೇರೆ ಭಾವ ಭಂಗಿ ಇರಬೇಕು. ಹಾಗಾಗಿ ಕ್ಲಾಸ್ - ಮಾಸ್ ಗಿಂತ  ಒಳ್ಳೆಯ ಸಿನಿಮಾ , ನೋಡುವ ಸಿನಿಮಾ , ನೋಡಿಸಿಕೊಂಡು ಹೋಗುವ ಸಿನಿಮಾ  ಇವುಗಳ ನಡುವೆ  ನೋಡಲಿಕ್ಕೆ ಆಗದಿರುವ ಸಿನಿಮಾ, ಒಂದು ಬಾರಿ ನೋಡಬಹುದು ಎಂದು ಕನ್ನಡ ಸಿನಿಮಾಗಳ ಬಗ್ಗೆ ಇವತ್ತು ಅಭಿರುಚಿ  ಬೆಳೆದು ಬಂದಿದೆ.<br/>&#13; <br/>&#13; ಸಿನಿಮಾ ಪ್ರೀತಿ ಬೆಳೆಸಿಕೊಂಡು ಹೋಗ್ತಾ ಇದೆ. ಇದು ಒಳ್ಳೆಯ ಬೆಳವಣಿಗೆ. ಟ್ರೆಂಡ್  ಚೇಂಜ್  ಆಗಿದೆ ಅಂಥ ನಾವು ಹೇಳುತ್ತಿರುತ್ತೇವೆ. ಆದರೆ ಟ್ರೆಂಡ್  ಚೇಂಜ್ ಆಗಿಲ್ಲ.  ಕ್ಲಾಸ್ -ಮಾಸ್ ಅನ್ನುವುದಕ್ಕಿಂತ ಅಬ್ಬರದ ಸಿನಿಮಾಗಳ ನಡುವೆ ಬರುವ ಒಟ್ಟಾರೆ ಅಭಿರುಚಿ ಸಿನಿಮಾಗಳು ಕಳೆದು ಹೋಗುತ್ತಿದ್ದ ಕಾಲವೊಂದಿತ್ತು. ಸಿಂಗಲ್ ಥಿಯೇಟರ್ ಗಳಿದ್ದಾಗ ಜನ ಬರದೆ ಕಳೆದು ಹೋಗುತ್ತಿದ್ದರು. ಹೀಗೆ ಕಳೆದು ಹೋಗುತ್ತಿದ್ದ ಸಂದರ್ಭದಲ್ಲಿ ಈ ಮಲ್ಟಿಪ್ಲೆಕ್ಸ್ ಗಳು, ಸಣ್ಣ ಸಣ್ಣ ಥಿಯೇಟರ್ ಗಳು ಏನು ಮಾಡಿವೆ ಅಂದರೆ ಅಬ್ಬರದ ಸಿನಿಮಾಗಳ ನಡುವೆಯೂ ಅಭಿರುಚಿ ಸಿನಿಮಾಗಳನ್ನು ಮೇಲ್ಮಟ್ಟಕ್ಕೆ ಎತ್ತಿಕೊಂಡು ಹೋಗುತ್ತಿವೆ.<br/>&#13; <br/>&#13; ಈ ಹಂತದಲ್ಲಿ ಏನಾಗುತ್ತಿದೆ ಅಂದರೆ, ಬದಲಾಗಿರುವುದು ಟ್ರೆಂಡ್ ಅಲ್ಲ, ನಮ್ಮ  ನೋಡುವಂಥಾ ಸ್ಥಾನ ಮಾನಗಳು. ದೊಡ್ಡ ಥಿಯೇಟರ್ ಗಳಿಗೆ ಹೋಗಲು ಜನ ಹಿಂದೇಟು ಹಾಕುತ್ತಿದ್ದರು. ಪ್ರಯೋಗಾತ್ಮಕ ಸಿನಿಮಾಗಳಿಗೆ ಎಲ್ಲಿ ಥಿಯೇಟರ್  ಕೊಡುತ್ತಿದ್ದರು? ಆದ್ರೆ ಈಗ ಚಿಕ್ಕ ಚಿಕ್ಕ ಸಿನಿಮಾಗಳಿಗೂ ಮಲ್ಟಿಪ್ಲೆಕ್ಸ್  ಅಥವಾ ಥಿಯೇಟರ್ ಗಳು ಸ್ಥಾನಕೊಟ್ಟು ಜನರಿಗೆ ಅಭಿರುಚಿ ಸಿನಿಮಾವನ್ನು ತಲುಪಿಸುತ್ತಿವೆ. ಹಾಗಾಗಿ ಕ್ಲಾಸ್- ಮಾಸ್  ಅನ್ನುವುದಕ್ಕಿಂತ  ಅಬ್ಬರದ ಸಿನಿಮಾಗಳು ಮತ್ತು  ಅಭಿರುಚಿಯ ಸಿನಿಮಾಗಳು ಎಂದು ಕರೆದರೆ ಒಳ್ಳೆಯದು ಅನಿಸುತ್ತೆ.<br/>&#13; <br/>&#13; <strong>ನಿದಿಷ್ಟ ಪ್ರೇಕ್ಷಕರನ್ನು ಗುರಿಯಾಗಿರಿಸಿ ಸಿನಿಮಾ ಮಾಡುವುದಿಲ್ಲವೆ?</strong><br/>&#13; ನಿರ್ದೇಶಕ ಅಥವಾ ನಿರ್ಮಾಪಕ  ಸಿನಿಮಾ ಮಾಡುವಾಗ ನಿರ್ದಿಷ್ಟವಾಗಿ ಇಂಥವರಿಗೇ ಅಂತಾನೇ ಸಿನಿಮಾ ಮಾಡಲ್ಲ. ಕ್ಲಾಸ್ ನಲ್ಲಿರುವ ಎಲ್ಲ ಅಂಶಗಳು ಮಾಸ್ ನಲ್ಲಿರುತ್ತವೆ. ಆದರೆ ಮಾಸ್‍ನಲ್ಲಿ ಎಲ್ಲ ಅತಿರೇಕಕ್ಕೆ ಹೋಗಿರುತ್ತದೆ. ಆದ್ದರಿಂದ ಯಾರೊಬ್ಬ ಸಿನಿಮಾ ನಿರ್ದೇಶಕನೂ ನಿರ್ದಿಷ್ಟವಾಗಿ ಹಾಗೆ ಮಾಡ್ತೀನಿ, ಹೀಗೆ ಮಾಡ್ತೀವಿ  ಎಂದು ಲೆಕ್ಕ ಹಾಕಿ ಬರಲ್ಲ. ಎಲ್ಲ ಪ್ರೇಕ್ಷಕರಿಗೆ ತಲುಪಬೇಕು ಎಂಬ ಗುರಿಯಿಂದಲೇ ಮಸಾಲೆ ಹಾಕಿಕೊಂಡು ಬರುತ್ತಾರೆ.<br/>&#13; <br/>&#13; ಉದಾಹರಣೆಗ ಕಿರಿಗೂರಿನ ಗಯ್ಯಾಳಿಗಳು. ಬರೀ ಹೆಣ್ಮಕ್ಕಳೇ ನೋಡ್ಬೇಕು ಎಂದು ನಾವು ಟಾರ್ಗೆಟ್ ಇಟ್ಟುಕೊಂಡಿಲ್ಲ. ಗಂಡು ಮಕ್ಕಳು ಕೂಡಾ ನೋಡಬೇಕಾದ ಸಿನಿಮಾ ಇದು. ಮೊದಲು ಹೆಣ್ಮಕ್ಕಳು ಬರುತ್ತಾರೆ, ಆಮೇಲೆ ಗಂಡು ಮಕ್ಕಳು ಬರುತ್ತಾರೆ . ಆಮೇಲೆ ಇವರೆಲ್ಲ ಸೇರಿ ತಮ್ಮ ಕುಟುಂಬವನ್ನು ಕರೆದುಕೊಂಡು ಬರುತ್ತಾರೆ ಎಂಬ ನಂಬಿಕೆ. ಪ್ರೇಕ್ಷಕರು ಅದನ್ನು ನಮಗೆ ನಿಜ ಮಾಡ್ತಾರೆ ಅಲ್ವಾ?. ನಾವು ಸಿನಿಮಾ ಮಾಡುವಾಗ  ಇಂಥವರಿಗಾಗಿಯೇ ಮಾಡುತ್ತೀವಿ ಅನ್ನುವ ಚೌಕಟ್ಟನ್ನು ಹಾಕಿಕೊಳ್ಳಲ್ಲ.<br/>&#13; <br/>&#13; ಸಿನಿಮಾ ಮಾಡುವುದೇ ಪ್ರತಿಯೊಂದು ಮನಸುಗಳಿಗೆ ತಲುಪಬೇಕು ಎಂಬ ಉದ್ದೇಶದಿಂದಲೇ. ಯಾವ ಪ್ರೇಕ್ಷಕನೂ ನಾನು ಕ್ಲಾಸ್ ಪ್ರೇಕ್ಷಕ, ನಾನು ಮಾಸ್ ಪ್ರೇಕ್ಷಕ ಎಂದು  ಬೋರ್ಡ್ ಹಾಕಿಕೊಂಡಿರಲ್ಲ. ಅವನಿಗೆ ಏನು ಸಿಗುತ್ತಾ ಹೋಗುತ್ತದೋ ಅದನ್ನು ನೋಡಿಕೊಂಡು ಹೋಗುರೆ. ಚೆನ್ನಾಗಿದ್ದರೆ ಚೆನ್ನಾಗಿದೆ ಅಂತಾನೆ, ಚೆನ್ನಾಗಿಲ್ಲ ಅಂದ್ರೆ ಚೆನ್ನಾಗಿಲ್ಲ ಅಂತಾನೆ. ಅದಕ್ಕೆ ಬೇಕಾದಷ್ಟು ಉದಾಹರಣೆಗಳೂ ಬಂತಲ್ಲ.<br/>&#13; <br/>&#13; *******<br/>&#13; <strong>ಕ್ಲಾಸು-ಮಾಸು ಎಂದು ಜಿಜ್ಞಾಸೆಗೆ ಬೀಳುವುದೇ ಮೂರ್ಖತನ: ವೈರಸ್ ವೀರು</strong></p><p><strong><img alt="" src="https://cms.prajavani.net/sites/pv/files/article_images/2016/06/14/virus.jpg" style="width: 300px; height: 300px; float: right;" data-original="/http://www.prajavani.net//sites/default/files/images/virus.jpg"/></strong></p><p>ಕ್ಲಾಸು, ಮಾಸು? ಯಾವ ಆಧಾರದ ಮೇಲೆ ಈ ವಿಭಜನೆ? ಸಿನೆಮಾದ ಗುಣಮಟ್ಟದ ಆಧಾರದ ಮೇಲೋ? ಸಿನೆಮಾ ನೋಡೋ ಪ್ರೇಕ್ಷಕರ ಮನಸ್ಥಿತಿಯ ಆಧಾರದ ಮೇಲೋ? ಹಂಗಾದ್ರೆ ಯಾವ ಪ್ರೇಕ್ಷಕ ಕ್ಲಾಸು? ಕೆಲವು ಗಾಂಧಿನಗರದ ಪಂಡಿತರ ಪ್ರಕಾರ ವಿದ್ಯಾವಂತ ಜನಸಮುದಾಯ,  ಕಾರ್ಪೋರೇಟ್ ಜಗತ್ತಿನ ಯುವಸಮುದಾಯ ಮತ್ತು ಮಲ್ಟಿಪ್ಲೆಕ್ಸಿನಲ್ಲಿ  ಮಾತ್ರ ಸಿನೆಮಾಗಳನ್ನು ನೋಡುವ ಪ್ರೇಕ್ಷಕ ಕ್ಲಾಸು. ಪ್ರಯೋಗಾತ್ಮಕ ಸಿನೆಮಾಗಳನ್ನ, ಕಾಮಿಡಿ, ಡ್ರಾಮಾ ಅಥವ ರೊಮ್ಯಾಂಟಿಕ್ ಸಿನೆಮಾಗಳನ್ನ ನೋಡೋ ಜನಗಳನ್ನ ಕ್ಲಾಸು ಅಂತ ನಿರ್ಧಾರ  ಮಾಡೋದು.<br/>&#13; <br/>&#13; ಬಸ್ಸು, ಲಾರಿ, ಕಾರು, ಆಟೋ ಚಾಲಕರುಗಳು, ಗಾರ್ಮೆಂಟ್ಸ್,  ಫ್ಯಾಕ್ಟರಿ, ಹೋಟೆಲ್ ,ಸಲೂನ್‍ನಲ್ಲಿ ಕೆಲಸ  ಮಾಡುವವರು, ಗ್ರಾಮೀಣ  ಭಾಗದ ಜನ, ಪಿ.ಯು.ಸಿ-ಡಿಗ್ರಿ ಓದುತ್ತಿರುವ ಹುಡುಗರು, ಸಿಂಗಲ್ ಥಿಯೇಟರಲ್ಲಿ  ಸಿನೆಮಾ ನೋಡೋರು ಮಾಸ್ ಆಡಿಯನ್ಸು ಅಂತ.. ಸೂಪರ್ ಸ್ಟಾರುಗಳ ಆಕ್ಷನ್ ಸಿನೆಮಾಗಳನ್ನ ನೋಡೋರು, ನಾಡು-ನುಡಿ, ಹೆಣ್ಣು-ಮಣ್ಣು ಡೈಲಾಗುಗಳಿಗೆ ಶಿಳ್ಳೇ ಹೊಡೆಯೋರು, ಐಟಮ್ ಸಾಂಗ್ಸ್ ಬಯಸೋರು ಮಾಸ್ ಪ್ರೇಕ್ಷಕರು.. ಹಿಂಗೆ ಒಂದೊಂದು ವರ್ಗಗಳನ್ನ ಯಾರ್ ಸೃಷ್ಟಿ ಮಾಡಿದ್ರೋ ಗೊತ್ತಿಲ್ಲ..<br/>&#13; <br/>&#13; ಆದ್ರೆ ಸಿನೆಮಾ ಅನ್ನೋದು ಸಿನೆಮಾ ಅಷ್ಟೇ, ಅದ್ರಲ್ಲಿ ಮಾಸು ಕ್ಲಾಸು ಅಂತ  ಎರಡು ವರ್ಗ ಇಲ್ಲವೇ ಇಲ್ಲ. ಪ್ರೇಕ್ಷಕರಲ್ಲೂ ಆ ಥರದ ವರ್ಗಗಳಿಲ್ಲ.  ಮನರಂಜನೆ ಇದ್ರೆ ಪ್ರೇಕ್ಷಕ ಯಾವ ಸಿನೆಮಾನಾದ್ರೂ ನೋಡ್ತಾನೆ.. ಮನರಂಜನೆ ಅಂದ್ರೆ ಬರೀ ಕಾಮಿಡಿ ಅಲ್ಲ, ನಗಿಸುವುದಲ್ಲ..ಆಕ್ಷನ್ ಸೀಕ್ವೆನ್ಸುಗಳಲ್ಲ, ಪಂಚಿಂಗ್ ಡೈಲಾಗುಗಳೂ ಅಲ್ಲ.. ಏನೇ ಆದ್ರೂ ಆ ಸಿನೆಮಾ, ಸಿನೆಮಾದ ದೃಶ್ಯಗಳು, ಪಾತ್ರಗಳು, ಪ್ರೇಕ್ಷಕನನ್ನು ಹಿಡಿದಿಟ್ಟುಕೊಳ್ಳಬೇಕಷ್ಟೇ.<br/>&#13; <br/>&#13; ಇಡೀ ಚಿತ್ರದಲ್ಲಿ ನಗಿಸುವುದಾದರೂ, ಭಾವುಕರನ್ನಾಗಿ ಮಾಡುವುದಾದರೂ, ಥ್ರಿಲ್ ಕೊಡೋದಾಗಲಿ, ದೆವ್ವಗಳನ್ನ ತೋರಿಸಿ ಭಯ ಬೀಳಿಸುವುದಾಗಲೀ, ಒಂದು ಗಂಭೀರ ವಿಷಯದ ಕಥೆಯಾಗಿದ್ದಲ್ಲಿ ಪ್ರೇಕ್ಷಕರನ್ನೂ ಗಂಭೀರತೆಯೊಳಗೆ ತಲ್ಲೀನಗೊಳಿಸಿಕೊಳ್ಳುವ ನಿರೂಪಣೆ, ವಿಡಂಬನಾತ್ಮಕ ಸಿನೆಮಾವಾಗಿದ್ದಲ್ಲಿ ಪ್ರೇಕ್ಷಕನ ತಲೆಯೊಳಗೊಂದು ತರ್ಕ ಮೂಡಿಸುತ್ತಾ, ಸಿನೆಮಾದೊಳಗೆ  ಮುಳುಗಿಹೋಗೋ ಹಾಗಿರಬೇಕಷ್ಟೆ.. ಒಂದು ಸಿನೆಮಾ ಥಿಯೇಟರಿನೊಳಗೆ ಕುಳಿತ ಪ್ರೇಕ್ಷಕನನ್ನು ಕುಳಿತಷ್ಟು ಹೊತ್ತು ತನ್ನೊಡನೆ ಜೀವಿಸುವಂತೆ ಮಾಡಿಕೊಳ್ಳಬೇಕು.ಹಿಂದಿನ ಸಿನೆಮಾಗಳು ಬೇಡ, ಇಂದಿನ ಸಿನೆಮಾಗಳನ್ನ ಮತ್ತು ಅವುಗಳನ್ನು ನೋಡಿದ ಪ್ರೇಕ್ಷಕರನ್ನ ಉದಾಹರಣೆಯಾಗಿ ತೆಗೆದುಕೊಳ್ಳೋಣ..<br/>&#13; <br/>&#13; “ಮುಂಗಾರುಮಳೆ ಅಥವಾ ದುನಿಯಾ” ಸಿನೆಮಾಗಳನ್ನಾಗಲೀ, ಆ ಸಿನೆಮಾಗಳನ್ನ ನೋಡಿದ ಪ್ರೇಕ್ಷಕರನ್ನಾಗಲೀ ಕ್ಲಾಸು ಅಥವಾ ಮಾಸುಗಳಲ್ಲಿ ಯಾವ ವರ್ಗಕ್ಕೆ ಸೇರಿಸಲಾಗುತ್ತದೆ?. ಫೇಸ್ಬುಕ್ಕಲ್ಲಷ್ಟೇ ಸದ್ದು ಮಾಡಿ ಬಿಡುಗಡೆಯ ನಂತರ ದಿನದಿಂದ ದಿನಕ್ಕೆ ರಾಜ್ಯ-ರಾಷ್ಟ್ರದ ಗಡಿದಾಟಿದ “ರಂಗಿತರಂಗ” ಕ್ಲಾಸೋ ಮಾಸೋ? ಯಾವ ಸ್ಟಾರು ಇಲ್ಲದ “ತಿಥಿ” ಸಿನೆಮಾದ ಬಗ್ಗೆ ಗಲ್ಲಿಗಲ್ಲಿಯಲ್ಲಿ ಜನ ಚರ್ಚೆ ಮಾಡ್ತಾರೆ, ಅದು ಯಾವ ವರ್ಗದ ಸಿನೆಮಾ? ಈಗೀಗ ಸಿನೆಮಾಗಳನ್ನ ಥಿಯೇಟರ್ರಲ್ಲಿ ನೋಡೋರಿಗಿಂತ ಮೊಬೈಲ್ ಫೋನಿನಲ್ಲೇ ನೋಡೋ ಪ್ರೇಕ್ಷಕರ ಸಂಖ್ಯೆ ಜಾಸ್ತಿ ಇದೆ.<br/>&#13; <br/>&#13; ಥಿಯೇಟರಿಗೆ ಬರುವ ಪ್ರೇಕ್ಷಕರಿಗಿಂತ ಹೆಚ್ಚು ಪಟ್ಟು ಜನ ಮೊಬೈಲುಗಳಲ್ಲಿ ಸಿನೆಮಾಗಳನ್ನು ನೋಡಿಬಿಡ್ತಾರೆ.. ಕೆಂಡಸಂಪಿಗೆ ಸಿನೆಮಾ ಥಿಯೇಟರಿಗಿಂತ ಮೊಬೈಲ್ ಫೋನಲ್ಲಿ  ದೊಡ್ಡ ಮಟ್ಟದಲ್ಲಿ ಹಿಟ್ ಆದ ಸಿನೆಮಾ. ಅದು ಕ್ಲಾಸು ಅಥವ ಮಾಸು ಯಾವ ವರ್ಗಕ್ಕೆ ಸೇರುತ್ತದೋ? ಸಿನೆಮಾನ ಯಾವುದೇ ಕೋನದಿಂದಲೂ ಕ್ಲಾಸು-ಮಾಸು ಎಂದು ವರ್ಗೀಕರಿಸುತ್ತಾ ಅದರ ಕುರಿತು ಜಿಜ್ಞಾಸೆಗೆ ಬೀಳುವುದೇ ಮೂರ್ಖತನ. “ಮಾಸ್” ಹಣೆಪಟ್ಟಿ ಹೊತ್ತ ಹೀರೋಗಳ ಸಿನೆಮಾಗಳು ಸಾಲುಸಾಲಾಗಿ ಮಕಾಡೆ ಮಲಗುತ್ತವೆ.<br/>&#13; <br/>&#13; ಹಂಗಾದ್ರೆ ಎಲ್ಲಿದ್ದಾರೆ ಮಾಸ್ ಪ್ರೇಕ್ಷಕರು? “ಕ್ಲಾಸ್” ಹಣೆಪಟ್ಟಿ ಹೊತ್ತ ಸಿನೆಮಾಗಳು ಒಂದು ವರ್ಗದ ಪ್ರೇಕ್ಷಕರಿಗಷ್ಟೇ ಸೀಮಿತವಾಗದೆ ಗಡಿದಾಟಿ ದೊಡ್ಡ ಯಶ ಕಾಣುತ್ತವೆ.. ಅಲ್ಲಿಗೆ “ಮಾಸ್ ಸಿನೆಮಾಗಳು” ಅನ್ನಿಸಿಕೊಳ್ಳುವ ದೊಡ್ಡ ಸಿನೆಮಾಗಳು ಮತ್ತು  ಅಂತಹ ಸಿನೆಮಾಗಳನ್ನೇ ನೋಡುತ್ತಾರೆನ್ನುವ ದೊಡ್ಡಮಟ್ಟದ “ಮಾಸ್  ಪ್ರೇಕ್ಷಕವರ್ಗವೂ” ಸುಳ್ಳು..! ಒಂದು ವರ್ಗಕ್ಕೆ ಮಾತ್ರ ಸೀಮಿತವೆಂದುಕೊಳ್ಳಲ್ಪಡುವ “ಕ್ಲಾಸ್ ಸಿನೆಮಾಗಳು” ಹಾಗೂ ಅಂತಹ ಸಿನೆಮಾಗಳನ್ನು ಮಾತ್ರ ನೋಡುತ್ತಾರೆಂದುಕೊಳ್ಳುವ “ಕ್ಲಾಸ್  ಪ್ರೇಕ್ಷಕರೂ” ಸುಳ್ಳು..! ಇದ್ದದ್ದು, ಇರುವುದು, ಉಳಿಯುವುದು ನಿಜ ಸಿನೆಮಾ ಮತ್ತು ಸಿನೆಮಾ ಪ್ರೇಕ್ಷಕ.</p></p>