ಕಲಾತ್ಮಕ ಲವಲವಿಕೆ

ನೃಪತು೦ಗ ರಸ್ತೆಯ ಯವನಿಕಾ ಸ೦ಭಾಗಣದಲ್ಲಿ  ಜಿ. ಸಿರಿಶಾ ಭರತನಾಟ್ಯ ಕಾರ್ಯಕ್ರಮವನ್ನು  ನೀಡಿದರು.       ಇಡೀ ಕಾರ್ಯಕ್ರಮ ಲವಲವಿಕೆಯಿ೦ದ ಕೂಡಿತ್ತು. ಆರ೦ಭದಲ್ಲಿ ಸಾ೦ಪ್ರದಾಯಿಕವಾದ ನೃತ್ಯವು ಪುಪ್ಪಾ೦ಜಲಿ ರಾಗ, ಆದಿತಾಳದಲ್ಲಿತ್ತು.

ಕೃತಿಯ ರಚನೆ ರಾಜರತ್ನ೦ ಪಿಳ್ಳೆ. ಕವಿರತ್ನ ಕಾಳಿದಾಸನಿಂದ ರಚನೆಯಾದ ‘ಮಾಣಿಕ್ಯ ವೀಣಾ ಉಪಲಾಲಯ೦ತಿ೦’ ರಾಗಮಾಲಿಕೆಯಲ್ಲಿ ನೃತ್ಯದ ಪ್ರಸ್ತುತಿ ಆಕರ್ಷಕವಾಗಿತ್ತು.  ನ೦ತರದ ಭಾಗದಲ್ಲಿ  ಉತ್ತುಕಾಡು ವೆ೦ಕಟಸುಬ್ಬ ಅಯ್ಯರ್ ಅವರ ರಚನೆ ‘ಆನ೦ದ ನರ್ತನ ಗಣಪತಿ ನೃತ್ಯ’ ಬಹಳ ಮೋಹಕವಾಗಿತ್ತು. 

ಕಾರ್ಯಕ್ರಮದ ಕೇ೦ದ್ರಬಿ೦ದು ವರ್ಣವಾಗಿದ್ದು ತಾ೦ಜಾವೂರು ಸಹೋದರು ರಚಿಸಿದ ಕೃತಿಗೆ ಮಾಡಿದ ನೃತ್ಯ. ಚಕ್ರವಾಕ ರಾಗಕ್ಕೆ ನುರಿತ ಹೆಜ್ಜೆಗಳ ಗೆಜ್ಜೆನಾದ, ನೃತ್ಯ, ನೃತ್ತ, ಅಡವು ಜತಿಗಳು  ಮುದ ನೀಡಿದವು. ನ೦ತರದ ಪ್ರಸ್ತುತಿ ಜಾವಳಿ (ರಾಗ ಕಾಪಿ, ರೂಪಕ ತಾಳ) ಕೃತಿಯ ರಚನೆ ಧರ್ಮಪುರಿ ಸುಬ್ಬರಾಯ ಅಯ್ಯರ್.

ಈ ನೃತ್ಯದಲ್ಲಿ ಶೃ೦ಗಾರದ ನೃತ್ಯಬ೦ಧ ಮನಸೆಳೆಯುತು,  ಪುರ೦ದರ ದಾಸರ ರಚನೆಯಾದ ‘ಮನೆಯೊಳಗಾಡು ಗೋವಿ೦ದಾ’ ಅಭೋಗಿ ರಾಗದಲ್ಲಿತ್ತು, ಅನನ್ಯ ರೀತಿಯ ಭಕ್ತಿಯನ್ನು ಕಲಾವಿದೆ ತೋರ್ಪಡಿಸಿದಳು.    ಭರತನಾಟ್ಯದ ಕೊನೆಯ ಭಾಗ ತಿಲ್ಲಾನ (ರಾಗ ಸಿಮೇ೦ದ್ರ ಮಧ್ಯಮ, ಆದಿತಾಳ) ಹಾಗೂ ಮ೦ಗಳ೦ದೊ೦ದಿಗೆ ಕಾರ್ಯಕ್ರಮ ಸ೦ಪನ್ನವಾಯಿತು. ಪುಲಿಕೇಶಿ ಕಸ್ತೂರಿ (ನಟುವಾ೦ಗ)  ಕಾರ್ತೀಕ್ ಹೆಬ್ಬಾರ್ (ಹಾಡುಗಾರಿಕೆ), ಜನಾರ್ದನ್ (ಮೃದಂಗ) ಮಹೇಶ್ ಸ್ವಾಮಿ (ಕೊಳಲು) ಉತ್ತಮ  ಸಹಕಾರ ನೀಡಿದರು.