ಭಾಷೆ ಕಲಿಕೆ ಬಿಕ್ಕಟ್ಟು (ಅಂತರಾಳ ಪ್ರ.ವಾ. ಜ.24). ಶಾಲೆಯಲ್ಲಿ ಮಗುವಿಗೆ ಇಂಗ್ಲಿಷ್‌ ಭಾಷೆಯನ್ನು ಕಲಿಸುವಾಗ ಮೊದಲ ಹಂತದಲ್ಲಿ ಇಂಗ್ಲಿಷ್‌ ಭಾಷೆಯ ಚಿಕ್ಕ ಚಿಕ್ಕ ವಾಕ್ಯಗಳನ್ನು ಮಾತುಕತೆಯ ರೂಪದಲ್ಲಿ ಮಗುವಿನ ಮುಂದೆ ಉಚ್ಚರಿಸುತ್ತಾ, ಮಗು ಅದನ್ನು ಕೇಳಿ, ಅದರ ತಿರುಳನ್ನು ತಿಳಿದುಕೊಳ್ಳುವಂತೆ ಮಾಡಬೇಕು. ಅನಂತರ ಇಂಗ್ಲಿಷ್‌ ಭಾಷೆಯ ಸಣ್ಣಪುಟ್ಟ ವಾಕ್ಯ-ಗಳನ್ನು ಮಗು ನುಡಿಯುವಂತೆ ತರಬೇತಿಯನ್ನು ನೀಡಬೇಕು. ಈ ಎರಡು ಹಂತಗಳನ್ನು ದಾಟಿದ ನಂತರ ಇಂಗ್ಲಿಷ್‌ ಭಾಷೆಯ ಅಕ್ಷರಗಳನ್ನು ಪರಿಚಯಿಸಿ, ಅದರ ಪದರಚನೆ ಮತ್ತು ವಾಕ್ಯರಚನೆಗಳನ್ನು ಗುರುತಿಸಿ ಓದುವ ಕೌಶಲ ಕಲಿಸಬೇಕು. ಕೊನೆಯ ಹಂತವಾಗಿ ಇಂಗ್ಲಿಷ್‌ ಭಾಷೆಯಲ್ಲಿ ಬರೆಯುವುದನ್ನು ಹೇಳಿಕೊಡಬೇಕು.
ಈ ರೀತಿ ಮಗುವೊಂದು ಭಾಷೆಗಳನ್ನು ತನ್ನದಾಗಿಸಿ ಕೊಳ್ಳಲು ‘ಕೇಳುವ,-ನುಡಿಯುವ,- ಓದುವ,- ಬರೆಯುವ’ ಕೌಶಲಗಳನ್ನು ಹಂತಹಂತವಾಗಿ ಕಲಿಯಬೇಕು. ಆದರೆ ನಮ್ಮ ಶಿಕ್ಷಣ ಪದ್ಧತಿಯಲ್ಲಿ ಇದು ತಲೆಕೆಳಕಾಗಿದೆ. ಆದುದರಿಂದಲೇ ಹಳ್ಳಿಗಾಡಿನ ಶಾಲೆಗಳಲ್ಲಿ ನಾಲ್ಕು ಗೋಡೆಗಳ ನಡುವೆ ಹೇಳಿಕೊಡುವ ಅನ್ಯ ಭಾಷೆಯಾದ ಇಂಗ್ಲಿಷ್‌ ಕಲಿಕೆಯಲ್ಲಿ ಯಶಸ್ಸು ಪಡೆದು ಮುಂದೆ ಹೋಗುವವರಿಗಿಂತ, ಹಿಂದೆ ಬೀಳುವವರೇ ಹೆಚ್ಚು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.