ವುಹಾನ್, ಚೀನಾ (ಪಿಟಿಐ): ಭಾರತದ ಸುರೇಶ್ ಕಲ್ಮಾಡಿ ಅವರಿಗೆ ಏಷ್ಯಾ ಅಥ್ಲೆಟಿಕ್ಸ್ ಸಂಸ್ಥೆ (ಎಎಎ) ಎಎಎ ‘ಪ್ರೆಸಿಡೆಂಟ್ಸ್’ ಪ್ರಶಸ್ತಿ ನೀಡಿ ಗೌರವಿಸಿದೆ.
ಅಥ್ಲೆಟಿಕ್ಸ್ ಕ್ಷೇತ್ರದ ಬೆಳವಣಿಗೆಗೆ ನೀಡಿದ ಕೊಡುಗೆಯನ್ನು ಪರಿಗಣಿಸಿ ಅವರಿಗೆ ಈ ಗೌರವ ನೀಡಲಾಗಿದೆ.
ಕಲ್ಮಾಡಿ ಅವರು ಸತತ 13 ವರ್ಷಗಳ ಕಾಲ(2000 ರಿಂದ 2013) ಎಎಎನ ಅಧ್ಯಕ್ಷರಾಗಿದ್ದರು. ಈ ಅವಧಿಯಲ್ಲಿ ಏಷ್ಯನ್ ಗ್ರ್ಯಾನ್ ಪ್ರೀ ಸೀರಿಸ್, ಏಷ್ಯಾ ಇಂಡೋರ್ ಚಾಂಪಿಯನ್ಷಿಪ್ ಮತ್ತು ಏಷ್ಯಾ ಆಲ್ ಸ್ಟಾರ್ ಮೀಟ್ ಸೇರಿದಂತೆ ಕೆಲ ವಿನೂತನ ಕೂಟಗಳನ್ನು ಅವರು ಪರಿಚಯಿಸಿದ್ದರು. 2010ರ ಕಾಮನ್ವೆಲ್ತ್ ಕೂಟದಲ್ಲಿ ನಡೆದಿದ್ದ ಹಗರಣದಲ್ಲಿ ಭಾಗಿಯಾಗಿದ್ದ ಕಲ್ಮಾಡಿ ಕೆಲಕಾಲ ಸೆರೆವಾಸ ಅನುಭವಿಸಿದ್ದರು.