ಲಂಡನ್ (ಪಿಟಿಐ): ಜೈವಿಕ ತಂತ್ರಜ್ಞಾನ ಕ್ಷೇತ್ರದ ಅಧ್ಯಯನದ ಆರಂಭದಲ್ಲಿ ಇರುವವರಿಗೆ ಫೆಲೊಶಿಪ್ ನೀಡುವ ಹೊಸ ಯೋಜನೆಯ ಒಪ್ಪಂದಕ್ಕೆ ಕೇಂಬ್ರಿಜ್ ವಿಶ್ವವಿದ್ಯಾಲಯ ಮತ್ತು ಭಾರತ ಸಹಿ ಹಾಕಿವೆ.
ಈ ಫೆಲೊಶಿಪ್ಗೆ ಕೇಂಬ್ರಿಡ್ಜ್ ವಿ.ವಿ ಮತ್ತು ಭಾರತ ಸರ್ಕಾರದ ಜೈವಿಕ ತಂತ್ರಜ್ಞಾನ ಇಲಾಖೆ ಜಂಟಿಯಾಗಿ ನೆರವು ನೀಡಲಿದೆ. ಈ ಸಂಬಂಧ ವಿಜ್ಞಾನ ಮತ್ತು ತಂತ್ರಜ್ಞಾನ ಖಾತೆ ರಾಜ್ಯ ಸಚಿವ ವೈ.ಎಸ್. ಚೌಧರಿ ಅವರ ನೇತೃತ್ವದ ವಿಜ್ಞಾನಿಗಳ ನಿಯೋಗ ಇತ್ತೀಚೆಗೆ ವಿಶ್ವವಿದ್ಯಾಲಯದೊಂದಿಗೆ ಸಭೆ ನಡೆಸಿತ್ತು. ಈ ನೂತನ ಕಾರ್ಯಕ್ರಮವು ಭಾರತದ ಸಂಸ್ಥೆಗಳ ಸಹಭಾಗಿತ್ವದಲ್ಲಿ ಸಂಶೋಧನೆ, ಅನ್ವೇಷಣಾ ಯೋಜನೆಗಳಿಗೆ ನೆರವು ನೀಡಲಿದೆ.