‘ಅವಮಾನ, ಸ್ವಾಭಿಮಾನ...’ (ವಿಜ್ಞಾನ ವಿಶೇಷ, ಜುಲೈ 14). ‘ಅವಮಾನ, ಹೆಮ್ಮೆ... ವ್ಯಕ್ತಿಗಷ್ಟೇ ಸೀಮಿತವಾಗಿಲ್ಲ’ ಎಂದಿದ್ದಾರೆ, ನಾಗೇಶ ಹೆಗಡೆ.
ನಿಜ. ಎಂತೆಂತಹ ಕ್ಷುಲ್ಲಕ ಕಾರಣಗಳಿಗಾಗಿ ಸಮುದಾಯ ಆತ್ಮಹತ್ಯೆ ಮಾಡಿಕೊಳ್ಳುತ್ತದೆ ಎಂಬುದಕ್ಕೆ ಕ್ಷುಲ್ಲಕವಲ್ಲದ ಒಂದು ನಿರ್ದಶನ: ಆಫ್ರಿಕದ ಯಾವುದೋ ಒಂದು ಬುಡಕಟ್ಟು ಸಮಾಜದಲ್ಲಿ, ಸ್ತ್ರೀಯರು ಗಂಡಸರಿಗೆ ಕೇಳಿಸುವಂತೆ ಅಕಸ್ಮಾತ್ ಸಶಬ್ದವಾಗಿ ‘ವಾಯು’ (gas) ಬಿಟ್ಟರೆ, ಅವಮಾನವಾಯಿತೆಂದು ಭಾವಿಸಿ ಆತ್ಮಹತ್ಯೆ ಮಾಡಿಕೊಳ್ಳುತ್ತಾರಂತೆ! (ಇದನ್ನು ‘ಗಾಳಿಮಾತು’ ಎನ್ನಬೇಕಿಲ್ಲ; ಪುಸ್ತಕ ವೊಂದರಲ್ಲಿ ಓದಿದ್ದು. ಅದರ ಹೆಸರೀಗ ಮರೆತುಹೋಗಿದೆ).
ಅಂದಹಾಗೆ, ಆ ಮಹಿಳೆಯರು ‘ನಾಗರಿಕ’ರಲ್ಲದಿರಬಹುದು, ಆದರೆ ಸುಸಂಸ್ಕೃತರಲ್ಲವೆ?