ಆ್ಯಕ್ಷನ್‌ ಕಿಂಗ್‌ ಅಕ್ಷಯ್‌ ಕುಮಾರ್‌ ಅಭಿನಯದ ‘ಸಿಂಗ್‌ ಈಸ್‌ ಬ್ಲಿಂಗ್‌’ ಚಿತ್ರ ಕಳೆದ ವಾರ ತೆರೆಕಂಡಿದ್ದು, ಕೇವಲ ಮೂರು ದಿನಗಳಲ್ಲೇ ₹50 ಕೋಟಿ ಬಾಚಿಕೊಂಡಿದೆ.
ತಮಿಳಿನ ನಟ ಪ್ರಭುದೇವ ನಿರ್ದೇಶಿಸಿರುವ ಈ ಚಿತ್ರಕ್ಕೆ ಪ್ರೇಕ್ಷಕರಿಂದ ಉತ್ತಮ ಪ್ರತಿಕ್ರಿಯೆ ಬರುತ್ತಿದ್ದು, ಚಿತ್ರ ತೆರೆಕಂಡ ಮೊದಲನೇ ದಿನವೇ ₹20.67 ಕೋಟಿ ಗಳಿಸಿದೆ. ಶನಿವಾರ ₹14.50 ಕೋಟಿ ಹಾಗೂ ಭಾನುವಾರ ₹19.27 ಕೋಟಿ ಗಳಿಸಿದ್ದು, ವಾರಾಂತ್ಯಕ್ಕೆ ಒಟ್ಟಾರೆ ₹54.44 ಕೋಟಿ ಹಣ ಮಾಡಿದ್ದು, ಇದು ಅಕ್ಷಯ್‌ ಅವರ ವೃತ್ತಿ ಜೀವನದಲ್ಲೇ ವಾರಾಂತ್ಯದಲ್ಲಿ ಅತಿ ಹೆಚ್ಚು ಹಣಗಳಿಸಿರುವ ಸಿನಿಮಾ.
ಈ ಚಿತ್ರ ವಿಶ್ವದೆಲ್ಲೆಡೆ ಪ್ರೇಕ್ಷಕನ ಮನಸ್ಸನ್ನು ಗೆಲ್ಲುತ್ತಿರುವ ಸಂದರ್ಭದಲ್ಲಿ ಚಿತ್ರ ತಂಡ ಪ್ರೇಕ್ಷಕರಿಗೆ ಧನ್ಯವಾದ ಸಲ್ಲಿಸಿದೆ. ಆಮಿ ಜಾಕ್ಸನ್‌, ಲಾರಾ ದತ್ತ ಹಾಗೂ ಕೆ.ಕೆ. ಮೆನನ್‌ ಚಿತ್ರದಲ್ಲಿ ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸಿದ್ದಾರೆ.
