ನವದೆಹಲಿ(ಪಿಟಿಐ): ಗುಜರಾತ್ನ ರಾಣಿಯ ಬಾವಿ ಯುನೆಸ್ಕೊ ಪಾರಂಪರಿಕ ತಾಣಗಳ ಪಟ್ಟಿಗೆ ಸೇರ್ಪಡೆಯಾಗಿದೆ. ಹನ್ನೊಂದನೇ ಶತಮಾನದಲ್ಲಿ ಈ ಮೆಟ್ಟಿಲು ಬಾವಿ ನಿರ್ಮಿಸಲಾಗಿದೆ. ಅಂತರ್ಜಲಕ್ಕಾಗಿ ವಿಶಿಷ್ಟ ತಂತ್ರಜ್ಞಾನ ಬಳಸಿಕೊಂಡಿರುವುದು ಇದರ ವಿಶೇಷ.
‘ಮೆಟ್ಟಿಲುಗಳ ಬಾವಿಯನ್ನು ವಿಶ್ವ ಪಾರಂಪರಿಕ ತಾಣಗಳ ಪಟ್ಟಿಗೆ ಅಂಗೀಕರಿಸಲಾಗಿದೆ. ಕತಾರ್ನ ದೋಹದಲ್ಲಿ ನಡೆದ ಯುನೆಸ್ಕೊ ವಿಶ್ವ ಪಾರಂಪರಿಕ ತಾಣಗಳ ಸಮಿತಿಯ ಸಭೆಯಲ್ಲಿ ಈ ತೀರ್ಮಾನ ಕೈಗೊಳ್ಳ ಲಾಗದೆ’ ಎಂದು ಕೇಂದ್ರ ಸಂಸ್ಕೃತಿ ಸಚಿವಾಲಯ ತಿಳಿಸಿದೆ.
ರಾಣಿಯ ಮೆಟ್ಟಿಲುಗಳ ಬಾವಿ ಭಾರತದಲ್ಲಿನ ವಾಸ್ತುಶಿಲ್ಪದ ವೈಶಿಷ್ಟಕ್ಕೆ ಹೆಸರಾಗಿದೆ ಎಂದು ಯುನೆಸ್ಕೊ ಬಣ್ಣಿಸಿದೆ. ರಾಣಿಯ ಬಾವಿಯನ್ನು ವಿಶ್ವಪಾರಂ ಪರಿಕ ತಾಣಗಳ ಪಟ್ಟಿಗೆ ಸೇರಿಸಬೇಕು ಎಂದು ಭಾರತೀಯ ಪ್ರಾಚ್ಯವಸ್ತು ಸರ್ವೇಕ್ಷಣಾ ಇಲಾಖೆ ಕಳೆದ ಫೆಬ್ರುವರಿಯಲ್ಲಿ ನಾಮನಿರ್ದೇಶನ ಮಾಡಿತ್ತು.
ಸದ್ಯ ಭಾರತದ 30 ತಾಣಗಳು ವಿಶ್ವಪಾರಂಪರಿಕ ತಾಣಗಳ ಪಟ್ಟಿಯಲ್ಲಿವೆ. ಇದರಲ್ಲಿ 24 ಸಾಂಸ್ಕೃತಿಕ ತಾಣಗಳು ಮತ್ತು 6 ಸ್ವಾಭಾವಿಕ ತಾಣಗಳು ಸೇರಿವೆ. ಗುಜರಾತ್ನ ರಾಣಿಯ ಬಾವಿ 31ನೇ ಸೇರ್ಪಡೆ.