ಪಣಜಿ (ಐಎಎನ್ಎಸ್): ಮುಂಬೈಯಿಂದ ಎರ್ನಾಕುಲಂಗೆ ಹೊರಟ್ಟಿದ್ದ ಡುರೊಂಟೊ ಎಕ್ಸ್ಪ್ರೆಸ್ ರೈಲು ಗೋವಾದ ಬಲ್ಲಿ ರೈಲ್ವೆ ನಿಲ್ದಾಣದ ಬಳಿಯ ಸುರಂಗದಲ್ಲಿ ಭಾನುವಾರ ಹಳಿ ತಪ್ಪಿದ್ದು, ಯಾವುದೇ ಸಾವು-ನೋವಿನ ವರದಿಯಾಗಿಲ್ಲ ಎಂದು ರೈಲ್ವೆ ಅಧಿಕಾರಿಗಳು ತಿಳಿಸಿದ್ದಾರೆ.
ಭಾನುವಾರ ಬೆಳ್ಳಿಗ್ಗೆ 7.15ರ ಸುಮಾರಿಗೆ ಈ ಅವಘಡ ನಡೆದಿದೆ. ಪಣಜಿಯಿಂದ ದಕ್ಷಿಣಕ್ಕೆ 45 ಕಿಲೋ ಮೀಟರ್ ದೂರದಲ್ಲಿರುವ ಸುರಂಗದ ಮೂಲಕ ಹಾದು ಹೋಗುವಾಗ ರೈಲಿನ ಹಿಂದುಗಡೆಯ ಹತ್ತು ಬೋಗಿಗಳು ಹಳಿ ತಪ್ಪಿವೆ.