ಬೀಜಿಂಗ್‌(ಐಎಎನ್‌ಎಸ್‌): ಚೀನಾದ ಪರಿಸರ ಸಂರಕ್ಷಣೆ ಇಲಾಖೆ ಮತ್ತು ಭೂಮಿ ಮತ್ತು ಸಂಪನ್ಮೂಲಗಳ ಇಲಾಖೆಗಳು ಜಂಟಿಯಾಗಿ ಹೊರತಂದಿರುವ ವರದಿಯ ಪ್ರಕಾರ ಚೀನಾದ ಪ್ರಮುಖ ಭೂಭಾಗದ ಶೇ 16 ರಷ್ಟು ಮಣ್ಣು ಮಲಿನವಾಗಿದೆ.
ಗುರುವಾರ ಬಿಡುಗಡೆಯಾಗಿರುವ ಈ ವರದಿಯ ಪ್ರಕಾರ ಶೇ 19.4 ರಷ್ಟು ಕೃಷಿ ಭೂಮಿ ಮಲಿನವಾಗಿದೆ. ಕೈಗಾರಿಕಾ ಮತ್ತು ಕೃಷಿ ಚಟುವಟಿಕೆಗಳು ಈ ಮಾಲಿನ್ಯಕ್ಕೆ ಕಾರಣ ಎಂದು ವರದಿಯಲ್ಲಿ ಹೇಳಲಾಗಿದೆ.
ಈಗಿರುವ ಕೃಷಿ ಭೂಮಿಯ ಗುಣಮಟ್ಟ ಆತಂಕಕ್ಕೆ ಕಾರಣವಾಗಿರುವುದರಿಂದ ಭೂಮಿಯ ಸಾಮಾನ್ಯ ಪರಿಸ್ಥಿತಿ ‘ಆಶಾಜನಕವಾಗಿಲ್ಲ’ ಮತ್ತು ಪಾಳುಬಿದ್ದಿರುವ ಕೈಗಾರಿಕೆ ಹಾಗೂ ಗಣಿಗಾರಿಕೆಗೆ ಸಂಬಂಧಪಟ್ಟ ಭೂಮಿಯು ಮಾಲಿನ್ಯಕ್ಕೆ ತುತ್ತಾಗಿದೆ ಎಂದು ವರದಿಯು ತಿಳಿಸಿದೆ.
ಚೀನಾ: ಹೊಸ ಮಂಡಲದ ಹಾವು ಪತ್ತೆ
ಲ್ಹಾಸಾ(ಐಎಎನ್‌ಎಸ್‌): ಚೀನಾದ ವಿಜ್ಞಾನಿಗಳು ಕಂದುಬಣ್ಣದ ಮಂಡಲ ಹಾವಿನ (ವೈಪರ್‌) ಜಾತಿಗೆ ಸೇರಿದ ಹೊಸ ಪ್ರಭೇದದ ಹಾವೊಂದನ್ನು ಕಂಡುಹಿಡಿದಿದ್ದಾರೆ. 1970ರಿಂದ ಮೌಂಟ್‌ ಎವರೆಸ್ಟ್‌ನಲ್ಲಿ ಈ ಕುರಿತು ವಿಜ್ಞಾನಿಗಳು ಸಂಶೋಧನೆ ನಡೆಸಿದ್ದರು.
