ನವದೆಹಲಿ (ಪಿಟಿಐ): ಸ್ವಾತಂತ್ರ್ಯ ದಿನದಂದು ಪ್ರಕಟವಾಗುವ ಸರ್ಕಾರಿ ಜಾಹೀರಾತನ್ನು ವಿನ್ಯಾಸ ಮಾಡುವ ಅವಕಾಶ ಇದೇ ಮೊದಲ ಬಾರಿ ಜನರಿಗೆ ದೊರೆತಿದೆ.
68ನೇ ಸ್ವಾತಂತ್ರ್ಯೋತ್ಸವ ದಿನದಂದು ಮುದ್ರಣ ಮಾಧ್ಯಮದಲ್ಲಿ ಪ್ರಕಟವಾಗುವ ಜಾಹೀರಾತಿನ ಪೂರ್ಣ ವಿನ್ಯಾಸವನ್ನು ಕಳುಹಿಸುವಂತೆ ಧ್ವನಿ ಮತ್ತು ದೃಶ್ಯ ಪ್ರಚಾರ ಇಲಾಖೆ (ಡಿಎವಿಪಿ) ಸಾರ್ವಜನಿಕರನ್ನು ಕೋರಿದೆ.
ಕನಿಷ್ಠ 10 ಉತ್ತಮ ಆಯ್ಕೆಗಳಿಗೆ ನಗದು ಬಹುಮಾನ ನೀಡುವುದಾಗಿಯೂ ಡಿಎವಿಪಿ ಹೇಳಿದೆ. ಸ್ವಾತಂತ್ರ್ಯ ದಿನದ ಜಾಹೀರಾತು ವಿನ್ಯಾಸಗಳನ್ನು ಸಲ್ಲಿಸುವಂತೆ ಇದೇ ಮೊದಲ ಬಾರಿಗೆ ಸಾರ್ವಜನಿಕರಿಗೆ ಅವಕಾಶ ನೀಡಲಾಗಿದೆ.