ಬೆಂಗಳೂರು: ಪ್ರೋರೇಟಾ ಶುಲ್ಕ (ನೀರಿನ ಸಂಪರ್ಕ ಪಡೆಯಲು ಏಕಕಂತಿನಲ್ಲಿ ಪಾವತಿಸುವ ಶುಲ್ಕ) ಹಾಗೂ ಬಾಕಿ ನೀರಿನ ಬಿಲ್‌ಗೆ ಸಂಬಂಧಿಸಿದಂತೆ ಜಲಮಂಡಳಿ ಅಧಿಕಾರಿಗಳು ಬುಧವಾರ ಕಾರ್ಯಾಚರಣೆ ನಡೆಸಿ ₹1.55 ಕೋಟಿ ವಸೂಲಿ ಮಾಡಿದರು.
ದಕ್ಷಿಣ ವಿಭಾಗದಲ್ಲಿ ಅತಿ ಹೆಚ್ಚು ಅಂದರೆ ₹32.57 ಲಕ್ಷ ಸಂಗ್ರಹವಾಗಿದೆ. ಪೂರ್ವ ವಿಭಾಗದಲ್ಲಿ ₹31.57 ಲಕ್ಷ, ನೈರುತ್ಯ ₹22.01, ವಾಯವ್ಯ ₹15.28 ಲಕ್ಷ, ಪಶ್ಚಿಮ ₹13.80, ಆಗ್ನೇಯ ₹ 14.78 ಲಕ್ಷ, ಕೇಂದ್ರ ₹10.52 ಲಕ್ಷ, ಈಶಾನ್ಯ ₹7.60 ಲಕ್ಷ ಹಾಗೂ ಉತ್ತರ ವಿಭಾಗದಲ್ಲಿ ₹7.69 ಲಕ್ಷ ಸಂಗ್ರಹಿಸಲಾಗಿದೆ.
ದೀರ್ಘಕಾಲದಿಂದ ಬಾಕಿ ಉಳಿದ ಶುಲ್ಕ ವಸೂಲಾತಿ ಕಾರ್ಯಾಚರಣೆಯನ್ನು ಮಂಡಳಿ ನವೆಂಬರ್ 25 ರಿಂದ ಆರಂಭಿಸಿದ್ದು ಪ್ರತಿ ಬುಧವಾರದಂದು ನಡೆಸಲಾಗುತ್ತಿತ್ತು. ಮೇ 4ರವರೆಗೆ ಒಟ್ಟಾರೆ ₹50. 64 ಕೋಟಿ ಸಂಗ್ರಹ ಮಾಡಲಾಗಿದೆ ಎಂದು ಪ್ರಕಟಣೆ ತಿಳಿಸಿದೆ.
