ಬಾಲಿವುಡ್ ಅಂಗಳದಲ್ಲಿ ಮುಂಚೂಣಿಯಲ್ಲಿರುವುದೇನೂ ಸುಲಭದ ಮಾತಲ್ಲ. ಯಾವುದೇ ಸೂಚನೆ ಇಲ್ಲದೆ ಎದುರಾಗುವ ಗಾಳಿಸುದ್ದಿಗಳು, ಆರೋಪಗಳು, ಮೂದಲಿಕೆ ಇತ್ಯಾದಿಗಳನ್ನು ನಿಭಾಯಿಸುವ ಕೌಶಲ ಇರಲೇಬೇಕು. ‘ಇಂಥವುಗಳಿಗೆ ಉತ್ತರಿಸಿ ನನ್ನ ಶಕ್ತಿಯನ್ನು ವ್ಯಯಿಸಲು ಆಸಕ್ತಿ ಇಲ್ಲ’ ಎಂದು ನಟಿ ದೀಪಿಕಾ ಪಡುಕೋಣೆ ತಮ್ಮ ವಿರುದ್ಧ ಆರೋಪ ಮಾಡಿದವರಿಗೆ ತಿರುಗೇಟು ನೀಡಿದ್ದಾರೆ.
ಇತ್ತೀಚೆಗೆ ಕರಣ್ ಜೋಹರ್ ಅವರ ‘ಕಾಫಿ ವಿತ್ ಕರಣ್’ ಕಾರ್ಯಕ್ರಮದಲ್ಲಿ ಸೋನಂ ಕಪೂರ್, ‘ದೀಪಿಕಾ ತನ್ನದೇ ಆದ ಸ್ವಂತ ನಟನಾ ಶೈಲಿಯನ್ನು ಹೊಂದಿಲ್ಲ. ಜತೆಗೆ ಅತ್ಯುತ್ಸಾಹಿ ಪಿಆರ್ ತಂಡದ ಮೇಲೆ ಅತಿಯಾಗಿ ಅವಲಂಬಿಸಿದ್ದಾರೆ’ಎಂದು ಟೀಕಿಸಿದ್ದರು.
ಸೋನಂ ಟೀಕೆ ಕುರಿತು ಕೇಳಿದ್ದಕ್ಕೆ, ‘ನನ್ನ ಗುರಿ ಏನಿದ್ದರೂ ಉತ್ತಮ ಕೆಲಸ ಮಾಡುವುದೇ ಹೊರತು ಸದಾ ಎಲ್ಲರಿಗಿಂತ ಮೇಲಿರುವಂತೆ ನೋಡಿಕೊಳ್ಳುವುದಲ್ಲ. ಉತ್ತಮವಾದ ಚಿತ್ರ ತಯಾರಕರೊಂದಿಗೆ ಕೆಲಸ ಮಾಡಿದಲ್ಲಿ ಉತ್ತಮ ಪಾತ್ರಗಳು ದೊರೆಯುತ್ತವೆ.