ಹೈದರಾಬಾದ್‌: ತಿರುಮಲ ತಿರುಪತಿ ದೇವಸ್ಥಾನದ ನಿಧಿಯಲ್ಲಿ ಪಾಲು ಕೇಳುವಂತೆ ದೇವಸ್ಥಾನ ರಕ್ಷಣಾ ಆಂದೋಲದ ಕಾರ್ಯಕರ್ತರು ಆಗ್ರಹಿಸಿದ ಬೆನ್ನಲ್ಲಿಯೇ ತೆಲಂಗಾಣ ಸರ್ಕಾರವು ದೇವಸ್ಥಾನದ ಆದಾಯ ಸಂಗ್ರಹದಲ್ಲಿ ತನ್ನ ಪಾಲು ಕೇಳುವುದಕ್ಕೆ ನಿರ್ಧರಿಸಿದೆ.
ಇತರ ದೇವಸ್ಥಾನಗಳ ನೆರವಿಗಾಗಿ ತಿರುಪತಿಯಲ್ಲಿ ಸ್ಥಾಪಿಸಲಾಗಿರುವ ನಿಧಿಯಿಂದ ₨ ೨೪೧ ಕೋಟಿ ಪಾಲು ಪಡೆದುಕೊಳ್ಳಲು ಹೋರಾಟ ಮಾಡುವುದಾಗಿ ಸರ್ಕಾರವು ಬುಧವಾರ ವಿಧಾನಸಭೆಯಲ್ಲಿ ಘೋಷಿಸಿದೆ. ಪ್ರಶ್ನೋತ್ತರ ವೇಳೆಯಲ್ಲಿ ಶಾಸಕ ಜಿ.ವಿಠ್ಠಲ್‌ ರೆಡ್ಡಿ ಈ ಬೇಡಿಕೆ ಮುಂದಿಟ್ಟರು.
‘ಹತ್ತು ವರ್ಷಗಳಲ್ಲಿ ದೇವಸ್ಥಾನದ ಈ ನಿಧಿಗೆ ₨ ೫೭೬ ಕೋಟಿ ಆದಾಯ ಬಂದಿದೆ. ಇದರಲ್ಲಿ ತೆಲಂಗಾಣದ ಪಾಲು ಸುಮಾರು ₨ ೨೪೧ ಕೋಟಿ. ಈ ಮೊತ್ತವನ್ನು ಆಂಧ್ರ ಸರ್ಕಾರ ಕೊಡಬೇಕು ಎಂದು ಶಾಸಕಾಂಗ ವ್ಯವಹಾರಗಳ ಸಚಿವ ಟಿ.ಹರೀಶ್‌್ ರಾವ್‌್ ಹೇಳಿದರು.
ಹೈದರಾಬಾದ್‌ನಿಂದ ೪೦ ಕಿ.ಮೀ ಅಂತರದಲ್ಲಿ ಇರುವ ನರಸಿಂಹಸ್ವಾಮಿ ದೇವಸ್ಥಾನವನ್ನು ತಿರುಪತಿ ದೇವಸ್ಥಾನದ ಮಾದರಿಯಲ್ಲಿಯೇ ಅಭಿವೃದ್ಧಿಪಡಿಸುವುದಕ್ಕೆ ತೆಲಂಗಾಣ ಸರ್ಕಾರ ಉತ್ಸುಕವಾಗಿದೆ.
