ಮೀಸಲಾತಿಯನ್ನು ಅಧಿಕಾರಸ್ಥರು ಆಮಿಷ ಒಡ್ಡುವ ಒಂದು ರಾಜಕೀಯ ಅಸ್ತ್ರವನ್ನಾಗಿ ಬಳಸಬಹುದೆಂಬ ಕಾರಣಕ್ಕೆ ಡಾ. ಅಂಬೇಡ್ಕರರು ಮೀಸಲಾತಿಯನ್ನು ಮೊದಮೊದಲು ವಿರೋಧಿಸಿದ್ದರು. ಅವರ ಮನವೊಲಿಸಲಾಯಿತು.
ಶತಮಾನಗಳಿಂದ ಶೊಷಣೆಗೊಳಗಾಗಿರುವ ಪರಿಶಿಷ್ಟರು ಮತ್ತಿತರ ದಮನಿತರ ಉದ್ಧಾರಕ್ಕೆ ಮೀಸಲಾತಿಯನ್ನು ಹತ್ತು ವರ್ಷದ ಅವಧಿಗೆ ಜಾರಿಗೊಳಿಸಲಾಯಿತು.
ಆದರೆ ಅರವತ್ತೈದು ವರ್ಷಗಳು ಗತಿಸಿದರೂ ನಿರೀಕ್ಷಿತ ಮಟ್ಟದಲ್ಲಿ ದಲಿತರ ಸ್ಥಿತಿಗತಿ ಸುಧಾರಿಸದೇ ಇರುವುದಕ್ಕೆ ಆ ವರ್ಗದ ಕೆನೆಪದರಿನ ಫಲಾನುಭವಿಗಳ ಪಟ್ಟಭದ್ರ ಹತಾಸಕ್ತಿಯೇ ಮುಖ್ಯ ಕಾರಣ. ಒಂದು ಹಂತ ತಲುಪಿರುವ ಕೆನೆಪದರಿನ ಜನ ತಮ್ಮವರೇ ಆದ ಅವಕಾಶ ವಂಚಿತರಿಗೆ ಮೀಸಲಾತಿಯ ಫಲ ದಕ್ಕುವಂತೆ ತ್ಯಾಗಕ್ಕೆ ಅಣಿಯಾಗಬೇಕಲ್ಲವೇ?
