ಥಾಣೆಯಲ್ಲಿ ಕುಸಿದ ಕಟ್ಟಡ, 11 ಸಾವು

ಇಲ್ಲಿನ ಬಿ ಕ್ಯಾಬಿನ್‌ ಪ್ರದೇಶದಲ್ಲಿರುವ ‘ಕೃಷ್ಣ ನಿವಾಸ್’ ಕಟ್ಟಡ ಕುಸಿದು ಬಿದ್ದಿದೆ.  ಐವತ್ತು ವರ್ಷ ಹಳೆಯ ಈ ಕಟ್ಟಡದಲ್ಲಿ ನಾಲ್ಕು  ಕುಟುಂಬಗಳು ವಾಸವಾಗಿದ್ದವು. ಘಟನೆಯಲ್ಲಿ 11 ಜನ ಮೃತಪಟ್ಟಿದ್ದು, ಗಾಯಗೊಂಡಿರುವ ಐದು ಜನರನ್ನು ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ‌

ಗಾಯಗೊಂಡವರಲ್ಲಿ ಮೂವರ  ಸ್ಥಿತಿ ಗಂಭೀರವಾಗಿದೆ ಎಂದು ಪರಿಹಾರ ಕಾರ್ಯಾಚರಣೆಯ ಉಸ್ತುವಾರಿ ಹೊತ್ತಿರುವ ಅಧಿಕಾರಿಗಳು ತಿಳಿಸಿದ್ದಾರೆ.

ಮೃತರಾದವರಲ್ಲಿ ಮಕ್ಕಳು, ಮಹಿಳೆಯರೂ ಸೇರಿದ್ದಾರೆಂದು ಮೂಲಗಳು ತಿಳಿಸಿವೆ.