ದಿಟ್ಟತನ ತೋರಲಿ

ಮುಂದೆ ಸರ್ಕಾರ ಅಲ್ಲಿ ಕೆರೆಯನ್ನು  ಪುನಃ ರೂಪಿಸುವುದೇ? ಅಥವಾ ತೆರವಾದ ಜಾಗವನ್ನು, ಅಪಖ್ಯಾತಿಗೆ ಖ್ಯಾತಿವೆತ್ತ ಬೆಂಗಳೂರು ಅಭಿವೃದ್ಧಿ ಪ್ರಾಧಿಕಾರದಂಥ ಸಂಸ್ಥೆಗೆ ಕೊಟ್ಟು ನಿವೇಶಗಳನ್ನು ರಚಿಸಿ ವಿತರಣೆ ಮಾಡುವ ಯೋಜನೆಯನ್ನು ಇಟ್ಟುಕೊಂಡಿದೆಯೇ?

ತೆರವಾದ ಜಾಗ ಮತ್ತೆ ಒತ್ತುವರಿದಾರರಿಗೆ ದಕ್ಕುವುದಿಲ್ಲವೆನ್ನುವುದಕ್ಕೆ ಏನಿದೆ ಖಾತರಿ? ಅಕ್ರಮ ಕಟ್ಟಡಗಳು ನಿರ್ಮಾಣವಾಗಲು ಪ್ರತ್ಯಕ್ಷವಾಗಿ ಮತ್ತು ಪರೋಕ್ಷವಾಗಿ ಕಾರಣರಾದವರನ್ನು ತಕ್ಷಣವೇ ಗುರುತಿಸಬೇಕು.

ಅಂಥವರಿಗೆ ಜೈಲೇ ಕಾಯಂ ನಿವಾಸ ಆಗುವಂತೆ ಮಾಡಬೇಕು. ಅವರ ಆಸ್ತಿಯನ್ನು ಮುಟ್ಟುಗೋಲು ಹಾಕಿಕೊಳ್ಳಬೇಕು. ಅದನ್ನು ಮಾರುವುದರಿಂದ ಬರುವ ಹಣವನ್ನು ಸಂತ್ರಸ್ತರಿಗೆ ಪರಿಹಾರ ರೂಪದಲ್ಲಿ ಹಂಚಬೇಕು.  ಇಂಥ ದಿಟ್ಟತನವನ್ನು ಸರ್ಕಾರ ತೋರುವುದೇ?
ಸಾಮಗ ದತ್ತಾತ್ರಿ, ಬೆಂಗಳೂರು