ಸ್ತ್ರೀಕುಲದ ಅವನತಿಗೆ ಕಾರಣವಾಗುವ ವೇಶ್ಯಾವೃತ್ತಿಯನ್ನು ಕಾನೂನುಬದ್ಧಗೊಳಿಸುವುದು ಸರಿಯಲ್ಲ. ಕಂಡ ಕಂಡ ಪುರುಷರ ಮುಂದೆ ದೇಹವನ್ನು ಒತ್ತೆಯಿಟ್ಟು ಹಣ ಗಳಿಸಿ ಬದುಕು ನಡೆಸುವ ವೇಶ್ಯಾವೃತ್ತಿಗೆ ಯಾವ ಹೆಣ್ಣೂ ಸ್ವಇಚ್ಛೆಯಿಂದ ಬರುವುದಿಲ್ಲ. ಬದುಕಿನ ಸಂಕಷ್ಟಗಳಿಂದ ಅನ್ಯದಾರಿ ಕಾಣದೆ ಹೊಟ್ಟೆಪಾಡಿಗೆ ಕಟ್ಟುಬಿದ್ದು ಇಲ್ಲವೇ ನೀಚ ಕೀಚಕರ ಕಾಮತೃಷೆಗೆ ಬಲಿಯಾಗಿ ಬಂದವರೇ ಹೆಚ್ಚು.
ಇಂಥವರನ್ನು ಈ ಸುಳಿಯಿಂದ ಬಿಡಿಸಿ ಅವರ ಬದುಕಿಗೊಂದು ಸನ್ಮಾರ್ಗ ತೋರಿದರೆ ಸಮಾಜಕ್ಕೆ ಹಿತ. ಈ ವೃತ್ತಿಯಲ್ಲಿರುವವರನ್ನು ಯಾರೂ ಗೌರವಿಸುವುದಿಲ್ಲ. ಹೀಗಿರುವಾಗ ಈ ವೃತ್ತಿಯನ್ನು ಕಾನೂನು ರೀತಿಯಲ್ಲಿ ಮಾನ್ಯಗೊಳಿಸುವುದು ಯಾರ ಸುಖಕ್ಕಾಗಿ?