ಬೆಂಗಳೂರು: ಬೆಂಗಳೂರು ಮಹಾನಗರ ಸಾರಿಗೆ ಸಂಸ್ಥೆಯು ಸಂಚಾರ ಪೊಲೀಸರ ಸಹಕಾರದಲ್ಲಿ ವಿಭಾಗೀಯ ನಿಯಂತ್ರಣಾಧಿಕಾರಿಗಳ ಮೂಲಕ ಶಬ್ದ ಮತ್ತು ವಾಯು ಮಾಲಿನ್ಯ ನಿಯಂತ್ರಣದ ಬಗ್ಗೆ ಹಾಗೂ ಸಂಚಾರ ನಿಯಮಗಳನ್ನು ಪಾಲಿಸುವ ಬಗ್ಗೆ ಸಂಸ್ಥೆಯ ನೌಕರರಿಗೆ ಘಟಕ ಮಟ್ಟದಲ್ಲಿ ಅರಿವು ಮೂಡಿಸುವ ಕಾರ್ಯಕ್ರಮ ಆರಂಭಿಸಿದೆ.
ಸಂಸ್ಥೆಯ ಬಸ್ಸುಗಳಲ್ಲಿ ಆಗುತ್ತಿರುವ ಶಬ್ದ ಮಾಲಿನ್ಯ ಹಾಗೂ ವಾಯು ಮಾಲಿನ್ಯದ ಬಗ್ಗೆ ಸಾರ್ವಜನಿಕರು ದೂರು ಅಥವಾ ಸಲಹೆ ನೀಡಲು ಇಷ್ಟ ಪಟ್ಟರೆ ಸಂಸ್ಥೆಯ ವೆಬ್ಸೈಟ್ www.mybmtc.com ನಲ್ಲಿ ನೀಡಬಹುದು. ದೂರುಗಳನ್ನು ಸಹಾಯಕ ಸಂಚಾರ ವ್ಯವಸ್ಥಾಪಕರು (ದೂರು) ಶ್ಯಾಮಲಾ ಎಸ್.ಎಂ. (ದೂರವಾಣಿ ಸಂಖ್ಯೆ–7760991257) ಅವರಿಗೂ ದೂರವಾಣಿ ಮುಖಾಂತರ ನೀಡಬಹುದು.
ಯಾವುದೇ ನಾಗರಿಕರು ಸಂಸ್ಥೆಯ ವಾಹನದಿಂದ ಹೆಚ್ಚಾಗಿ ಹೊಗೆ ಸೂಸುತ್ತಿರುವ ಬಗ್ಗೆ ಮಾಹಿತಿ/ದೂರು ನೀಡಿದ್ದಲ್ಲಿ ಅಂತಹ ವಾಹನಗಳನ್ನು ತಕ್ಷಣವೇ ಪರಿಶೀಲಿಸಲಾಗುವುದು. ಆ ವಾಹನಗಳು ನಿಗದಿತ ಪ್ರಮಾಣಕ್ಕಿಂತ ಹೆಚ್ಚಾಗಿ ಹೊಗೆ ಸೂಸುವುದು ತಪಾಸಣೆ ಯಂತ್ರದಲ್ಲಿ ಕಂಡು ಬಂದಲ್ಲಿ ಅಂತಹವರಿಗೆ ₨1,000 ನಗದು ಬಹುಮಾನವನ್ನು ದೃಢೀಕರಿಸಿ ನೀಡಲಾಗುವುದು. ಜೊತೆಗೆ ನ್ಯೂನತೆಯ ಬಸ್ಸುಗಳನ್ನು ಆಚರಣೆಗೆ ನಿಯೋಜಿಸುವುದಿಲ್ಲ. ಸಂಸ್ಥೆಯ ಕಾಲ್ ಸೆಂಟರ್ಗೆ ಕರೆ ಮಾಡಿ ಸಹ ದೂರು ಸಲ್ಲಿಸಬಹುದು. ಕಾಲ್ ಸೆಂಟರ್ ಸಂಖ್ಯೆ: 1800–425–1663 ಎಂದು ಪ್ರಕಟಣೆ ತಿಳಿಸಿದೆ.