ಸರ್ಕಾರಿ ಪ್ರೌಢಶಾಲೆಗಳಲ್ಲಿ ವಿದ್ಯಾರ್ಥಿಗಳಿಗೆ ಕಂಪ್ಯೂಟರ್ ಸಾಕ್ಷರತೆ ನೀಡಲು ಸರ್ಕಾರವು ಕಂಪ್ಯೂಟರ್ಗಳನ್ನು ಒದಗಿಸಿದೆ. ಈ ಕಂಪ್ಯೂಟರ್ಗಳಿಂದ ವಿದ್ಯಾರ್ಥಿಗಳಿಗೆ ಶಿಕ್ಷಣ ಕೊಡಿಸಲು ಶಿಕ್ಷಕರನ್ನು ನೇಮಿಸಲು ಸರ್ಕಾರ, ಒಂದು ತರಬೇತಿ ಸಂಸ್ಥೆಗೆ ಹೊರಗುತ್ತಿಗೆ ನೀಡಿತ್ತು.
ಈ ಸಂಸ್ಥೆಯು ಯೋಜನೆ ಆರಂಭ ವಾದ 2009 ರಿಂದ 2013 ರವರೆಗೆ ಶಿಕ್ಷಕರ ಸೇವೆಯನ್ನು ಒದಗಿಸಿದ್ದು, 2013 ರಿಂದ ಈ ಯೋಜನೆಯು ನಿಂತುಹೋಗಿದ್ದು, ಇಲ್ಲಿ ಕೆಲಸ ಮಾಡುತ್ತಿದ್ದ 2279 ಶಿಕ್ಷಕರು ಕೆಲಸ ಕಳೆದುಕೊಂಡಿದ್ದಾರೆ. ಕೊನೆಯ ಮೂರು ತಿಂಗಳ ಸಂಬಳವನ್ನು ನೀಡದೆ ಏಜೆನ್ಸಿಯು ಶಿಕ್ಷಕರಿಗೆ ತೊಂದರೆ ನೀಡುತ್ತಿದೆ.
ಐಸಿಟಿ ಎರಡನೇ ಹಂತದಲ್ಲಿ ನಡೆಯುತ್ತಿದ್ದ ಈ ಯೋಜನೆಯಲ್ಲಿ 1571 ಪ್ರೌಢಶಾಲೆಗಳು ಸೇರಿದಂತೆ ಪದವಿಪೂರ್ವ ಕಾಲೇಜುಗಳು 708 ಸೇರಿವೆ. ಈ ಶಾಲಾ–ಕಾಲೇಜುಗಳಲ್ಲಿ ಕಂಪ್ಯೂಟರ್ ಶಿಕ್ಷಣ ನೀಡಲು ಅಳವಡಿಸಿದ್ದ ಕಂಪ್ಯೂಟರ್ಗಳು ಶಿಕ್ಷಕರಿಲ್ಲದೆ ದೂಳು ಹಿಡಿಯುತ್ತಿವೆ.
ಕಂಪ್ಯೂಟರ್ ಸಾಕ್ಷರತೆಯನ್ನು ಗ್ರಾಮೀಣ ಮಕ್ಕಳಲ್ಲೂ ಮೂಡಿಸುವ ಸದುದ್ದೇಶದಿಂದ ಆರಂಭವಾದ ಈ ಮಹತ್ವಾಕಾಂಕ್ಷೆ ಯೋಜನೆಯು ನಿರ್ವಹಣೆ ಇಲ್ಲದೆ ಇತ್ತ ವಿದ್ಯಾರ್ಥಿಗಳಿಗೆ ಕಂಪ್ಯೂಟರ್ ಜ್ಞಾನವು ಇಲ್ಲ, ಅತ್ತ ಕೋಟ್ಯಂತರ ರೂಪಾಯಿ ಮೌಲ್ಯದ ಕಂಪ್ಯೂಟರ್ಗಳು ದೂಳು ಹಿಡಿಯುತ್ತಿರುವುದರ ಜೊತೆಗೆ ಶಿಕ್ಷಕರು ಕೆಲಸ ಕಳೆದುಕೊಂಡಿರುವುದು ಶೋಚನೀಯ. ಸರ್ಕಾರ ಇತ್ತ ಗಮನಹರಿಸಲಿ.
–ಲಕ್ಷ್ಮೀಕಾಂತರಾಜು ಎಂ.ಜಿ. ಮಠ, ಗುಬ್ಬಿ ತಾಲ್ಲೂಕು