ವಿಶ್ವವಿದ್ಯಾಲಯಗಳಿಗೆ ಮತ್ತು ಸರ್ಕಾರದ ಕೆಲವೊಂದು ಇಲಾಖೆಗಳಿಗೆ ನಕಲಿ ಅಂಕಪಟ್ಟಿ ಮತ್ತು ಪ್ರಮಾಣ ಪತ್ರ ನೀಡಿ ಕೆಲಸಕ್ಕೆ ಸೇರುವವರ ಸಂಖ್ಯೆ ದಿನೇ ದಿನೇ ಹೆಚ್ಚುತ್ತಿದೆ. ಇದರ ಬಗ್ಗೆ ವಿಶ್ವವಿದ್ಯಾಲಯಗಳಾಗಲಿ ಮತ್ತು ಇಲಾಖೆಯ ಅಧಿಕಾರಿಗಳಾಗಲಿ ತಲೆಕೆಡಿಸಿಕೊಳ್ಳುತ್ತಿಲ್ಲ.
ನಕಲಿ ಅಂಕಪಟ್ಟಿ ಮತ್ತು ಪ್ರಮಾಣ ಪತ್ರ ಗಳನ್ನು ತರಕಾರಿ ಖರೀದಿಸಿದಂತೆ ಖರೀದಿಸಿ ಕೆಲಸಕ್ಕೆ ಸೇರಲು ಸಾಧ್ಯವಾಗುವುದಾದರೆ
ಕಾಲೇಜುಗಳು, ಪರೀಕ್ಷೆಗಳು, ಅಂಕಗಳಾದರೂ ಏಕೆ? ಹೀಗಾದರೆ, ಕಷ್ಟಪಟ್ಟು ಓದಿ ಅಂಕ, ಪದವಿ ಪಡೆದವರ ಸ್ಥಿತಿ ಏನಾಗಬಹುದು? ಅವರ ಶ್ರಮಕ್ಕೆ ಏನು ಬೆಲೆ ಉಳಿದಂತಾಯಿತು? ಸರ್ಕಾರ ಈ ಹಾವಳಿ ತಡೆಗೆ ಇನ್ನಾದರೂ ಬಿಗಿ ಕ್ರಮ ಕೈಗೊಳ್ಳಬೇಕು. ಪ್ರತಿಭಾವಂತರಿಗೆ ಆಗುತ್ತಿರುವ ಅನ್ಯಾಯ ತಪ್ಪಿಸಬೇಕು.