ನ್ಯೂಯಾರ್ಕ್‌(ಪಿಟಿಐ): ಒಬ್ಬರು ಟ್ವೀಟ್‌ ಮಾಡಿದ ಜೋಕನ್ನು ನಕಲುಗೊಳಿಸಿ ಮತ್ತೊಬ್ಬರು ಪ್ರಕಟಿಸಿದ ಟ್ವೀಟ್‌ಗಳನ್ನು ಖಾತೆಯಿಂದ ತೆಗೆದುಹಾಕಲು ಟ್ವಿಟರ್‌ ನಿರ್ಧರಿಸಿದೆ.
ಲಾಸ್‌ ಏಂಜಲೀಸ್‌ ಮೂಲದ ಬರಹಗಾರ್ತಿಯೊಬ್ಬರು ಅನುಮತಿಯಿಲ್ಲದೆ ತಮ್ಮ ಬರಹವನ್ನು ಟ್ವಿಟರ್‌ನಿಂದ ಕದ್ದು, ಪ್ರಕಟಿಸಿದ್ದರ ಬಗ್ಗೆ ಧ್ವನಿ ಎತ್ತಿದ್ದ ನಂತರ ಟ್ವಿಟರ್‌ ಈ ಕ್ರಮ ಕೈಗೊಂಡಿದೆ. ‘ತನ್ನ ಬಹಳಷ್ಟು ಟ್ವೀಟ್‌ಗಳನ್ನು ಅನೇಕರು ನಕಲು ಮಾಡಿ ಟ್ವೀಟ್‌ ಮಾಡುತ್ತಿದ್ದಾರೆ. ಅಂತಹ ಟ್ವೀಟ್‌ಗಳನ್ನು ತೆಗೆದುಹಾಕಬೇಕು’ ಎಂದು ಲೇಖಕಿ ಕೋರಿದ್ದರು.
