ವಾಷಿಂಗ್ಟನ್ (ಪಿಟಿಐ): ಪ್ರತಿಷ್ಠಿತ ‘ನ್ಯಾಷನಲ್ ಜಿಯೋಗ್ರಾಫಿಕ್ ಬೀ’ ಸ್ಪರ್ಧೆಯಲ್ಲಿ ಭಾರತ ಮೂಲದ 12 ವರ್ಷದ ಬಾಲಕ ರಿಷಿ ನಾಯರ್ ಪ್ರಥಮ ಸ್ಥಾನ ಪಡೆದಿದ್ದಾರೆ.
ನಾಯರ್ ₹ 50 ಸಾವಿರ ಡಾಲರ್ (ಅಂದಾಜು ₹ 33.54 ಲಕ್ಷ) ವಿದ್ಯಾರ್ಥಿ ವೇತನವನ್ನು ಬಹುಮಾನ ರೂಪದಲ್ಲಿ ಗಳಿಸಿದ್ದಾನೆ. ನ್ಯಾಷನಲ್ ಜಿಯೊಗ್ರಾಫಿಕ್ ಸೊಸೈಟಿಯಲ್ಲಿ ಆಜೀವ ಸದಸ್ಯತ್ವವನ್ನೂ ಹೊಂದಲಿದ್ದಾನೆ.
ರಿಷಿ ತಂದೆ ಕೇರಳ ಮೂಲದವರು. ರಿಷಿ ಈ ಸ್ಪರ್ಧೆಯನ್ನು ಗೆಲ್ಲುತ್ತಿರುವ ಫ್ಲೋರಿಡಾದ ಎರಡನೇ ವಿದ್ಯಾರ್ಥಿಯಾಗಿದ್ದಾನೆ. ಸತತ ಐದು ವರ್ಷಗಳಿಂದ ಭಾರತ ಮೂಲದವರು ಈ ಪ್ರತಿಷ್ಟಿತ ಸ್ಪರ್ಧೆಯಲ್ಲಿ ಬಹುಮಾನ ಗಳಿಸುತ್ತಿದ್ದಾರೆ. ಕಳೆದ ವರ್ಷ ಕರಣ್ ಮೆನನ್ ಈ ಸ್ಪರ್ಧೆಯಲ್ಲಿ ಜಯಗಳಿಸಿದ್ದ.