ವಾಷಿಂಗ್ಟನ್ (ಪಿಟಿಐ): ಹಖ್ಖಾನಿ ಉಗ್ರ ಸಂಘಟನೆ ವಿರುದ್ಧ ವಿಶ್ವಾಸಾರ್ಹ ಕ್ರಮ ಕೈಗೊಂಡ ಬಗ್ಗೆ ರಕ್ಷಣಾ ಕಾರ್ಯದರ್ಶಿ ಪ್ರಮಾಣೀಕರಿಸಿದರೆ ಮಾತ್ರ ಪಾಕಿಸ್ತಾನಕ್ಕೆ ತಡೆ ಹಿಡಿದಿರುವ ₹1980 ಕೋಟಿ ನೆರವು ನೀಡುವ ಸಂಬಂಧ ಕಾಯ್ದೆಗೆ ಅಮೆರಿಕದ ಸೆನೆಟ್ ಸಮಿತಿಯು ಅನುಮೋದನೆ ನೀಡಿದೆ.
ಪಾಕ್ಗೆ ಈ ನೆರವು ತಡೆಹಿಡಿಯುವಿಕೆ ನಿರ್ಧಾರ ಮುಂದುವರಿಸಲು ಅಮೆರಿಕದ ಸಶಸ್ತ್ರ ಸೇವಾ ಸಮಿತಿಯು ಕಳೆದ ವಾರ ತೀರ್ಮಾನಿಸಿತ್ತು.
ನ್ಯಾಷನಲ್ ಡಿಫೆನ್ಸ್ ಆಥರೈಸೇಷನ್ ಆಕ್ಟ್ ಗೆ (ಎನ್ಡಿಎಎ) ಸೆನೆಟ್ನಲ್ಲಿ ಮತದಾನ ನಿಗದಿಯಾಗಿದೆ. ಆ ವೇಳೆ ಹಲವು ಸೆನೆಟರ್ಗಳು ಇದಕ್ಕೆ ತಿದ್ದುಪಡಿ ಸೂಚಿಸುವ ನಿರೀಕ್ಷೆಯೂ ಇದೆ.