ಮಾಗಡಿ ರಸ್ತೆಯಲ್ಲಿ ಪ್ರಮೋದ್ ಥಿಯೇಟರ್ ಎಡಬದಿಯಲ್ಲಿ ಇರುವ ಬಿಬಿಎಂಪಿ ಪಾರ್ಕ್ ಸರಿಯಾದ ನಿರ್ವಹಣೆಯಿಲ್ಲದೆ ಹದಗೆಟ್ಟಿದೆ. ಪ್ರತಿದಿನ ಮುಂಜಾನೆ ಸುಮಾರು 100ರಿಂದ 150 ಜನರು ಇಲ್ಲಿಗೆ ವಾಯುವಿಹಾರಕ್ಕಾಗಿ ಬರುತ್ತಾರೆ. ಅವರಲ್ಲಿ ಕೆಲವರು ಪ್ಲಾಸ್ಟಿಕ್ ಕವರ್, ಮದ್ಯದ ಬಾಟಲಿಗಳನ್ನು ಅಲ್ಲಲ್ಲೇ ಎಸೆದು ಗಬ್ಬೆಬ್ಬಿಸಿದ್ದಾರೆ. ಅಲ್ಲದೇ ಈ ಪಾರ್ಕ್ನಲ್ಲಿ ಪಾದಚಾರಿಗಳಿಗೆ ಕುಳಿತುಕೊಳ್ಳಲು ಸರಿಯಾದ ಆಸನದ ವ್ಯವಸ್ಥೆಯೂ ಇಲ್ಲ. ಆದ್ದರಿಂದ ದಯವಿಟ್ಟು ಬಿಬಿಎಂಪಿಯವರು ಈ ಪಾರ್ಕನ್ನು ಸ್ವಚ್ಛಗೊಳಿಸಿ, ಅಗತ್ಯ ಸೌಲಭ್ಯಗಳನ್ನು ಒದಗಿಸಿಕೊಡಬೇಕು.