ಶ್ರೀನಗರ (ಪಿಟಿಐ): ಜಮ್ಮು ಮತ್ತು ಕಾಶ್ಮೀರದ ಪಿಡಿಪಿ ಶಾಸಕ ಮೌಲ್ವಿ ಇಫ್ತಿಕರ್ ಹುಸೇನ್‌ ಅನ್ಸಾರಿ (76) ದೀರ್ಘಕಾಲದ ಅನಾರೋಗ್ಯದ ಬಳಿಕ ಮಂಗಳವಾರ ನಿಧನ ಹೊಂದಿದರು.
ಶಿಯಾ ಪಂಗಡ ಮುಖಂಡರೂ ಆಗಿದ್ದ ಇಫ್ತಿಕರ್ ಅನ್ಸಾರಿ, ಐದು ಬಾರಿ ಶಾಸಕರಾಗಿ ವಿಧಾನಸಭೆಗೆ ಚುನಾಯಿತರಾಗಿದ್ದರು. 1996ರಲ್ಲಿ ಫಾರೂಕ್‌ ಅಬ್ದುಲ್ಲಾ ನೇತೃತ್ವದ ಸರ್ಕಾರದಲ್ಲಿ ಸಚಿವರೂ ಆಗಿದ್ದರು. ಕಾಂಗ್ರೆಸ್‌ ಮತ್ತು ಜನತಾ ಪಕ್ಷಗಳಿಂದ ಚುನಾವಣೆ ಎದುರಿಸಿದ್ದ ಅವರು 2006ರಲ್ಲಿ ಪಿಡಿಪಿ ಸೇರಿದ್ದರು. ಅವರಿಗೆ ಪತ್ನಿ, ಇಬ್ಬರು ಗಂಡು ಮಕ್ಕಳು ಮತ್ತು ಒಬ್ಬ ಮಗಳಿದ್ದಾರೆ.
