ನವದೆಹಲಿ (ಪಿಟಿಐ): ಪ್ರತಿ ಲೀಟರ್ಗೆ ಪೆಟ್ರೋಲ್ ಬೆಲೆ ₨ 2.41 ಮತ್ತು ಡೀಸೆಲ್ ₨ 2.25 ಇಳಿಕೆ ಮಾಡಲಾಗಿದ್ದು, ಶುಕ್ರವಾರ ಮಧ್ಯರಾತ್ರಿಯಿಂದ ಹೊಸ ದರ ಜಾರಿಗೆ ಬಂದಿದೆ. ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ತೈಲ ಬೆಲೆ ಇಳಿಕೆಯಾದ ಕಾರಣ ಪೆಟ್ರೋಲ್, ಡೀಸೆಲ್ ದರ ಕಡಿಮೆ ಮಾಡಲಾಗಿದೆ. ಆಗಸ್ಟ್ನಿಂದ ಆರನೇ ಬಾರಿ ದರ ಇಳಿಕೆಯಾಗಿದೆ.
ಡೀಸೆಲ್ ಬೆಲೆ ಒಂದೇ ತಿಂಗಳಲ್ಲಿ ಎರಡನೇ ಬಾರಿಗೆ ಇಳಿಕೆಯಾಗಿದೆ. ಆಗಸ್ಟ್ನಿಂದ ಪೆಟ್ರೋಲ್ ದರದಲ್ಲಿ ಒಟ್ಟಾರೆ ₨ 9.36 ಕಡಿಮೆ ಆದಂತಾಗಿದೆ. ಸ್ಥಳೀಯ ಮಾರಾಟ ತೆರಿಗೆ ಮತ್ತು ವ್ಯಾಟ್ ಅನ್ವಯ ವಿವಿಧ ರಾಜ್ಯಗಳಲ್ಲಿ ಇಂಧನ ಬೆಲೆ ಬೇರೆ ಬೇರೆಯಾಗಿರಲಿದೆ.
ಸಬ್ಸಿಡಿ ರಹಿತ 14.2 ಕೆ.ಜಿ.ಸಿಲಿಂಡರ್ ಅಡುಗೆ ಅನಿಲದ ಬೆಲೆಯಲ್ಲಿ ₨18.5 ಇಳಿಕೆಯಾಗಿದೆ. ಈಗ ಸಿಲಿಂಡರ್ ಬೆಲೆ ₨865 ಆಗಿದೆ. ಆಗಸ್ಟ್ನಿಂದ ಸಬ್ಸಿಡಿರಹಿತ ಅಡುಗೆ ಅನಿಲದ ದರ ನಾಲ್ಕನೇ ಬಾರಿಗೆ ಇಳಿಕೆಯಾಗಿದೆ.